(බිමල් ශ්යාමන් ජයසිංහ)
හය හැවිරිදි සහෝදරිය සමග සමඟ නිවසේ සිටි 12 හැවිරිදි පාසල් සිසුවෙකුගේ සිරුර කුඩා රෙදි කැබලි දෙකකින් මදුරු දැල එල්ලීම සඳහා උපයෝගි කරගන්නා කොක්කක එල්ලෙමින් තිබෙන දුටු මව දරුවා එයින් ගලවාගෙන අද (27) රෝහලට ඇතුළත් කරනවිටත් මියගොස් සිටි බව පිළියන්දල පොලීසිය කියයි.
සිද්ධියෙන් මියගොස් ඇත්තේ කැස්බෑව තානායම පාර පදිංචිව සිටි කවින් සඳරු විජේවර්ධන යන අයයි.
පියා රැකියාවට ද මව වෙළඳසැලකට ද ගොස් සිටි අවස්ථාවේදී මෙම සිදුවීම සිදුවී ඇති බවට නිවැසියන්ගේ ප්රකාශවලින් අනාවරණ වූ බව පොලිස් නිලධාරියෙක් පැවැසීය
මව වෙළඳසැලට ගොස් නිවසට පැමිණ මෙම දරුවා සොයා බැලීමේදී ඔහු පෙනෙන්නට නොසිටීම හේතුවෙන් දියණියගෙන් විමසීමේදී සිය සහෝදරයා හැංගී ඇති බවට ඇය විසින් ප්රකාශ කළ බව මව ලබාදුන් ප්රකාශයක සඳහන් වෙ.
මව කුඩා දරු දෙදෙනාට වෙන්කර තිබෙන කාමරයට පැමිණ බැලීමේදී දරුවාගේ සිරුර ඇඳ ඉහළ සිවිලිමේ මදුරු දැල එල්ලන යකඩ කොක්කක එල්ලෙමින් තිබෙනු දැක වහා ක්රියාත්මක වී දරුවා එයින් මුදාගෙන රෝහලට රැගෙන ගොස් ඇති අතර දරුවා පරීක්ෂා කර බැලූ වෛද්යවරුන් දරුවා මියගොස් සිට ඇති බව පවසා තිබූ බව පොලිසිය කියයි.
COMMENTS
මේ ළමයි මරාදාලාද? මේ කතාව කියවද්දී වෙලා තියෙන දේ හිතාගන්නවත් බැහැ. නැතිනම් නාට්යවල, චිත්රපටිවල දෙයක් බලලා මේ ළමයා කරලා වගේ..
අභිරහසක්...
මම ප්රාදේශීය මාධ්යවේදියෙක් ලෙස වසර පහළොවකට ආසන්න කාලයක් සේවය කළ අයෙක්. සමාජයේ ඉදිරි පැවැත්මට ඵලදායි නොවන ප්රවෘත්ති බොහොමයක් නිතර දෙවේලේ අපිට අසන්නට දකින්නට ලැබෙනවා. විශේෂයෙන්ම සමාජයේ ප්රගමනයට හේතු නොවන දරුවන්ගේ පමණක් නොව වැඩිහිටියන්ගේ ද සිතුම් පැතුම් අදහස් විකෘති ස්වභාවයකට ඇද දමන සිදුවීම් සහ ප්රවෘත්ති මා පෞද්ගලිකවම අකමැති දෙයක්. මා කටයුතු කළ මාධ්ය ආයතන වල එවැනි ඉල්ලීම් පවා ප්රතික්ෂේප කිරීමට මම පසුබට උනේ නෑ විශේෂයෙන් දැන් කාලෙ ළාබාල දරුවන් පවා මෙවැනි ප්රවෘත්ති ඇසීමෙන් හා කියැවීමෙන් දැකීමෙන් ඒවා තමන් ද අත්හදා බැලීමට ක්රියාත්මක කිරීමට ඇති ඉඩකඩ වැඩියි.