(ඩයනා උදයංගනී)

පවතින තද වැසි හේතුවෙන් දිස්ත්‍රික්ක හතරක නායයෑමේ අවදානමක් මතුව ඇතැයි ජාතික ගොඩනැගිලි පර්යේෂණ සංවිධානය පවසයි.

රත්නපුර, බදුල්ල, මහනුවර සහ නුවරඑළිය යන දිස්ත්‍රික්කයන්හි මෙම අවදානම මතුව තිබේ.

රත්නපුර දිස්ත්‍රික්කයේ බලන්ගොඩ, ඉඹුල්පේ, කොලොන්න, බදුල්ල දිස්ත්‍රික්කයේ හල්දුම්මුල්ල, පස්සර, ලුණුගල, ඇල්ල, හාලිඇල, බදුල්ල, හපුතලේ, බණ්ඩාරවෙල, සොරනාතොට, ඌව පරණගම, වැලිමඩ, මහනුවර දිස්ත්‍රික්කයේ උඩුනුවර, උඩපළාත, පාතහේවාහැට සහ ගඟවටකෝරළේ මෙන්ම නුවරඑළිය දිස්ත්‍රික්කයේ හඟුරන්කෙත, නුවරඑළිය, වලපනේ සහ අඹගමුවකෝරළේ ප්‍රාදේශීය ලේකම් කොට්ඨාශයන්හි මෙලෙස නායයෑමේ දැඩි අවදානමක් පවතින බව ජාතික ගොඩනැගිලි පර්යේෂණ සංවිධානයේ ප්‍රකාශකයෙක් පැවසීය.

එම ප්‍රාදේශීය ලේකම් කොට්ඨාශයන්හි කඳු හා බෑවුම් ආශ්‍රිතව ජීවත්වන්නන් මේ සම්බන්ධයෙන් දැඩි අවධානයකින් පසුවිය යුතු බව ද එම ප්‍රකාශකයා කීවේයග