(බිමල් ශ්‍යාමන් ජයසිංහ)

 
ගල්කිස්ස මුහුදු තීරයේදී දිය වැලකට හසුව ගසාගෙන යමින් සිටි එකම පවුලේ දරුවන් තිදෙනෙකුගේ දිවි බේරාගැනීමට ගල්කිස්ස පොලිස් ජීවිතාරක්ෂක ඒකකයට අනුයුක්ත නිලධාරීහු සමත්වූහ.
 
මෙසේ දිවි බේරාගෙන ඇත්තේ මාවතගම දකුණුගහලන්ද - උඩඉඟුරුගහවත්ත පදිංචි මනෝජ් ඉෂාර(16), අකිත් කේතක(13) සහ ඉමාෂ ප්‍රගීත් (09) යන දරුවන් තිදෙනායි.
 
පාසල් නිවාඩුකාලය ගතකිරීමට දෙමව්පියන් සමඟ පැමිණ ගල්කිස්ස මුහුදේ දියනාමින් සිටියදී මෙම අනතුර සිදුව ඇතැයි පොලිසිය පවසයි.
 
දරුවන් තිදෙනා අවධානම් කලාපය වෙත ඇදී යනු දුටු ජීවිතාරක්ෂක නිලධාරීන් වහා ක්‍රියාත්මක වී ඔවුන් බේරාගෙන පැමිණි බව පොලිසිය පවසයි.