‘‘දියවන්නාවේ වතුරට මොකද වුණේ‘‘

(ඩයනා උදයංගනී)

දියවන්නා ඔයේ පාර්ලිමේන්තුව අවට ප්‍රදේශයේත්, බත්තරමුල්ල පාලම් තුන අවට පිහිටි තෙත්බිමේත් ජලය අවපැහැගැන්වීම සම්බන්ධව වහාම සොයාබලා තමන්ට වාර්තාවක් ලබා දෙන්නැයි පරිසර අමාත්‍ය මහින්ද අමරවීර මහතා මධ්‍යම පරිසර අධිකාරියට උපදෙස් දී ඇත.

මධ්‍යම පරිසර අධිකාරියේ අධ්‍යක්ෂ ජනරාල් හේමන්ත ජයසිංහ මහතාට ලිපියක් යොමුකරමින් මේ බව දැනුම් දුන් බව පරිසර අමාත්‍ය මහින්ද අමරවීර මහතා පවසයි.

දියවන්නාවේ ජලය මින් පෙර මෙලෙස අවපැහැගැන්වීමක් වී නොමැති නිසා මේ සම්බන්ධව තමන් විද්‍යාත්මක විමර්ශන වාර්තාවක් අපේක්ෂා කරන බව ද අමාත්‍යවරයා සඳහන් කළේය.

මෙහි ජලය අපිරිඳුවීමට හේතුව විපක්ෂ මන්ත්‍රීන් විසින් පාර්ලිමේන්තුවේ දී සඳහන් කළ පරිදි මිනිස් මළ අපද්‍රව්‍ය බැහැර කිරීමක්ද එසේත් නැතිනම් කිසියම් ඇල්ගී විශේෂයක් වර්ධනය වීමක් ද යන්න මෙතෙක් නිශ්චිතව කිව නොහැකි බව අමාත්‍යවරයා කියයි.

දින කිහිපයක සිට පවතින මෙම ජලය අවර්ණවීම දිනෙන් දින වර්ධනය වීමක් දක්නට ලැබෙන බැවින් ජලය දූෂණය වීමක් සිදු වී ඇත්ද යන්න මෙන්ම ඉන් දියවන්නාවේ වෙසෙන ජලජ සතුන්ට හානිකර තත්ත්වයක් මතුවිය හැකි ද යන්නත් සොයා බලන බව අමාත්‍යවරයා සඳහන් කරයි.

මෙම වාර්තාව කඩිනමින් තමන්ට ලබා දෙන ලෙස ද අමාත්‍යවරයා මධ්‍යම පරිසර අධිකාරියේ අධ්‍යක්ෂ ජනරාල්වරයාට දැනුම් දී ඇත.

අදහස් (5)

‘‘දියවන්නාවේ වතුරට මොකද වුණේ‘‘

විජිත් Sunday, 11 April 2021 11:10 AM

විශේෂ දෙයක් වෙලා නැහැ. රටේ මිනිස්සුන්ගේ ලේ බොන, රට චීන්නුන්ට විකුණන් කන, කැළෑ කපමින් පරිසරය වනසන ... දියවන්නාවේ ඌරු කොටුවේ සිටින ඌරන් 225ට කෑමට අසුචි බවුසර් 3 ක් එකතු කරලා පමණයි. මට තිබෙන ප්‍රශ්නය... ඇයි මේ බවුසර් 3ක් ගැන නොසොයන්නේ? cctv වලින් පහසුවෙන්ම අංකයන් සොයාගත හැකිනේ... අනිවාර්යයෙන්ම මේකත් අර අනුරාධපුරයේ කපුච්චියගේ වැඩක්... මේක "කෙමක්" කරලා බලන්න... රට දියුණුවෙන් දියුණුවට පත්වෙනවා.." කියලා මිථ්‍යා දෘෂ්ටික, මැදමුලන හොර රැලට කියන්න ඇති.

: 0 1

අනුර පැස්කුවල්, කළුතර Sunday, 11 April 2021 01:00 PM

මෙහෙම ලොජික්. මළ අපද්‍රව්‍ය තමයි ඇල්ගී වර්ධනයට එක හේතුවක් වෙන්නේ.

: 0 0

Keppetipola Monday, 12 April 2021 03:22 AM

දියවන්නාවේ කවුන්සලයේ ඉන්න දූෂිත හැතිකරය රට විනාශ කරල කාපු ජරාව තමයි දියවන්නා ඔයෙන් මතු වෙන්නෙ. රටේ සල්ලි වියදම් නොකර කවුන්සිලයේ දූෂිතයන්ටම කියල දියවන්නා ඔයේ ජරාව සුද්ධ කරන්න.

: 0 3

මෝ Monday, 12 April 2021 08:39 AM

තමන් ඉන්න තැන වෙන්නෙ මොකද්ද කියලා සුමාන ගානක් ගිහිනුත් තවම හොයාගන්න බෑ. ඉතිං රටේ වෙන පරිසර දූෂනේ ගැන,කවර කතාද?

: 0 3

pakeer Monday, 12 April 2021 09:35 AM

දියවන්නාවේ කවුන්සලයේ ඉන්න අය මලපහ කරන්නේ ඔයට වෙන්න ඇති ...එයාලාට ලැජ්ජාවක් බයක් නෑ නේ....

: 0 3