දුම්රිය කාර්යක්ෂම කරන්න ඩොලර් මිලියන 160 ක්

(නිමල කොඩිතුවක්කු)

දුම්රිය කාර්යක්ෂමතාව නැංවීමේ ව්‍යාපෘතිය මගින් හදුනාගත් උප ව්‍යාපෘති සහ මිලදී ගැනීම් 32 ක් සඳහා ආසියානු සංවර්ධන බැංකුව විසින් ශ්‍රී ලංකා රජයට පිරිනමා තිබෙන ඇමෙරිකානු ඩොලර් මිලියන 160ක මුදලට අදාළව ගිවිසුම් අත්සන් කිරීම අද (20) මුදල් අමාත්‍යාංශයේ දී සිදුකෙරිණි.

ධාවන කාර්යක්ෂමතාවය හා නඩත්තු කාර්යක්ෂමතාවය වැඩිකිරීම, දුම්රිය ආරක්ෂාව සහතික කිරීම, දුම්රිය කාර්ය මණ්ඩලවල හැකියාවන් වර්ධනය කිරීම සහ උපදේශනාත්මක සේවා කටයුතු සිදුකිරීම සඳහා මෙම මුදල් වැයකිරීමට සැලසුම් කර ඇතැයි ප‍්‍රවාහන හා සිවිල් ගුවන් සේවා අමාත්‍ය අර්ජුන රණතුංග මහතා පැවසීය.

මෙම ව්‍යාපෘතිය යටතේ දුම්රිය ප‍්‍රවේශපත් සහ ආසන වෙන්කිරීමේ පද්ධතිය, කොළඹ දුම්රිය පාලන කාර්යාලය සහ දුම්රිය මෙහෙයුම් මූලස්ථානය ඉදිකිරීම, දුම්රිය පුහුණු මධ්‍යස්ථානය සඳහා පරියේෂණාගාර සහ කර්මාන්ත ශාලා සහිත ගොඩනැගිල්ලක් ඉදිකිරීම, මාලපල්ල දුම්රිය ස්ථානය අසල නිවාස 108 කින් යුතු මහල් නිවාස සංකීර්ණයක් ඉදිකිරීමට සැලසුම් කර තිබේ.

මීට අමතරව රත්මලාන දුම්රිය යාන්ත‍්‍රික ඉංජිනේරු උප දෙපාර්තමේන්තුව සඳහා නව කර්මාන්ත ශාලාවක්, ගබඩා සහ යන්ත‍්‍ර සූත‍්‍ර මිලදී ගැනීම, මහනුවර තදාසන්න දුම්රිය ව්‍යාපෘතිය ආරම්භ කිරීම, කොළඹ මාලිගාවත්තෙහි පිහිටි යටිබිම් මාර්ගය සඳහා ඇති පාසල් පටුමග දුම්රිය පාලම නැවත ඉදිකිරීම සිදුවන බවද අමාත්‍යවරයා ප‍්‍රකාශ කළේය.

අදහස් (12)

දුම්රිය කාර්යක්ෂම කරන්න ඩොලර් මිලියන 160 ක්

kamal Tuesday, 20 August 2019 11:30 AM

අනේ අපටත් ඕකෙන් ටෙන්ඩරයක් දෙන්න.

: 0 2

Perera Tuesday, 20 August 2019 11:35 AM

සල්ලි නම් හම්බවෙනවා, නමුත් ඒවාට මොකද වෙන්නේ කියල කවුරුවත් දන්නැහැ.

: 0 46

Prabha Tuesday, 20 August 2019 11:42 AM

ඩොලර් කෝටියක් දැම්මත් නුපුහුණු සේවකයන්ගෙන් පිරුණු දුම්රිය සේවය ගොඩ ගත නොහැක.

: 0 115

sampath Tuesday, 20 August 2019 12:02 PM

මේක කවදාවත් කරන්න බැරි වැඩක්. පුද්ගලික දුම්රිය ධාවනයට ඉඩ දෙන්න අපරාදේ මේ සල්ලි

: 0 328

Bamunuarachchi Tuesday, 20 August 2019 12:41 PM

ඔය මුදල වැටුප් සහ අතිකාල වලට දුන්නාම සල්ලි ඉවර වෙනතුරු ඉබේම කාර්යක්ෂම වේවි.

: 29 56

CHANDIMA Tuesday, 20 August 2019 01:12 PM

ඒගොල්ලෝ දෙනවා. මේගොල්ලෝ ගන්නවා, අරගෙන පොඩි කුට්ටියක් සාක්කුවට දමා ගන්නවා. අන්තිමේ රටේ ණය බර මෙච්චරයි කියල බදු වැඩි කරනවා. ඒගොල්ලෝ ගාන හොයාගෙන මාරු වෙනවා. රටේ ඉන්න දුප්පත් අපි ඒ ඔක්කෝම සල්ලි ගෙවනවා. අපි විතරක් නොවෙයි අපේ දරු මල්ලොත්....

: 0 139

විජිත් Tuesday, 20 August 2019 03:35 PM

මේ කට්ටිය යන්න කලින් ආයෙත් ණය අරගන්න හදනවා

: 1 150

chandima Tuesday, 20 August 2019 06:24 PM

තව ඩොලර් මිලියන් 160ක් වතුරේ.

: 1 27

himal Wednesday, 21 August 2019 03:35 AM

මේ මුදල් යොදාගන්නේ කුමකටද කියා ලංකාදීප පුවතේ පැහැදිලිව කියා තිබියදීත් මෙතන සමහරු හිතන්නේ අතිකාල ගෙවන්න සල්ලි ගන්නවා කියලා. හැබැයි වෙන හැම තැනම කතා කරන්නේ පොදු ප්‍රවාහනයේ සංවර්ධනය ඇයි නොකරන්නේ කියලා. ලංකාවේ දුම්රිය තවමත් තිබෙන්නේ සුද්දගෙ කාලයේ. මෙවැනි ආයෝජනයන් මඟින් හරි දුම්රිය සේවාව පුළුල් වෙනවා නම් තාක්ෂණය වැළඳ ගන්නවා නම් මහජනතාවට ඉමහත් සේවයක්.

: 0 0

Gayan Wednesday, 21 August 2019 04:38 AM

දුම්රිය ධාවනය සහ පරිපාලනය පුද්ගලික අංශයට දෙන්න...

: 0 1

abaran Wednesday, 21 August 2019 04:55 AM

හිඟන්නාගේ පාත්තරේට සල්ලි වැටෙනවා හෝ ගාලා...

: 0 10

Amila Wednesday, 21 August 2019 05:53 AM

අදත් උදෙත් කොච්චි පරක්කුයි (21 අගෝස්තු උදේ)

: 0 22