දිනේෂ් ගුණවර්ධන ජීනිවා නුවරට ළඟාවෙයි

මානව හිමිකම් කවුන්සිලයේ 43වැනි සැසිවාරයට සහභාගී වන ශ්‍රී ලංකා නියෝජිත කණ්ඩායමට නායකත්වය දෙන විදේශ සබඳතා අමාත්‍ය දිනේෂ් ගුණවර්ධන මහතා අද (25) පස්වරුවේ ස්විට්සර්ලන්තයේ ජීනිවා නුවරට ළඟාවිය.

අමාත්‍ය දිනේෂ් ගුණවර්ධන මහතා හෙට (26) එක්සත් ජාතීන්ගේ මානව හිමිකම් කවුන්සිලයේ ඉහළ පෙළේ සාකච්ඡා වටය අමතා අදහස් දැක්වීමට නියමිතය. අමාත්‍යවරයා එහිදි ‘ශ්‍රී ලංකාවේ සංහිඳියාව, වගවීම හා මානව හිමිකම් ප්‍රවර්ධනය’ කිරීම පිළිබඳ 2019 මාර්තු 40/1 දරන යෝජනාවෙන් සිය සම අනුග්‍රහාය ඉවත් කරගැනීමට ශ්‍රී ලංකා රජය ගත් තීරණය එක්සත් ජාතීන්ගේ මානව හිමිකම් කවුන්සිලයේ සාමාජිකයන්ට විධිමත්ව දැනුම් දීමට නියමිතය.

2015ඔක්තෝබර් මස30/1දරන සහ2017මාර්තු මස34/1දරන පූර්වගාමී යෝජනා සම්මුති ඇතුළත් කොට සකස් කරන ලද, 2019 මාර්තු මස40/1 දරන ‘ශ්‍රී ලංකාවේ සංහිඳියාව,වගවීම සහ මානව හිමිකම් ප්‍රවර්ධනය කිරීම’පිළිබඳ යෝජනා සම්මුතිය සඳහා සිය සම අනුග්‍රාහකත්වය ඉල්ලා අස්කර ගැනීමට ශ්‍රී ලංකා රජය ඉකුත් දා තීරණය කළ අතර ඊට කැබිනට් මණ්ඩලයේ අනුමැතිය ද හිමිවිය.

එක්සත් ජාතීන්ගේ මානව හිමිකම් කවුන්සිලයේ මහ කොමසාරිස් මිෂෙල් බැචලේ මහත්මිය පෙබරවාරි 27 වැනිදා කවුන්සිලය අමතා සිය වාචික ප්‍රකාශය ඉදිරිපත් කිරීමට නියමිත අතර අමාත්‍ය දිනේෂ් ගුණවර්ධන මහතා ඊට පිළිතුරු දෙනු ඇත.

මේ සිකුරාදා එනම් පෙබරවාරි 28 වැනිදා අමාත්‍යවරයා එක්සත් ජාතීන්ගේ මානව හිමිකම් කවුන්සිලයේ මහ කොමසාරිස්වරිය හමුවීමට නියමිතය.

රාජ්‍ය පරිපාලන හා ස්වදේශ කටයුතු රාජ්‍ය අමාත්‍ය මහින්ද සමරසිංහ, විදේශ සබඳතා අමාත්‍යාංශයේ ලේකම් රවිනාථ ආර්යසිංහ මහතා, ජනාධිපති අතිරේක ලේකම් අද්මිරාල් (විශ්‍රාමික) ජයනාත් කොළඹගේ , නියෝජ්‍ය සොලිසිටර් ජනරාල් නෙරින් පුල්ලේ, විදේශ සබඳතා අමාත්‍යාංශයේ එක්සත් ජාතීන් සහ මානව හිමිකම් අංශයේ අධ්‍යක්ෂ ජනරාල් එම්.ආර්.කේ. ලෙනගල, ආරක්ෂක අමාත්‍යාංශයේ බ්‍රිගේඩියර් ඊ.එස්. ජයසුන්දර සහ විදේශ සබඳතා අමාත්‍යවරයාගේ සම්බන්ධීකරණ ලේකම් සුබාෂ් ශ්‍රී විජේතුංග යන මහත්වරු සහ රජයේ ජ්‍යෙෂ්ඨ නීතීඥ කනිෂ්කා බාලපටබැඳි මහත්මිය සැසිවාරයට සහභාගී වන ශ්‍රී ලංකා නියෝජිත පිරිසට එක්ව සිටිති.

ජිනීවාහි එක්සත් ජාතීන් සඳහා ශ්‍රී ලංකාවේ වැඩබලන නිත්‍ය නියෝජිත දයානි මෙන්ඩිස් මහත්මිය සහ අදාළ කාර්ය මණ්ඩලය මෙම සැසිවාරයේ දී සහ රැස්වීම්වල දී මෙම නියෝජිත පිරිස සමඟ එක්වනු ඇත.

ජිනීවාහි රැඳී සිටින කාලසීමාවේදී අමාත්‍ය ගුණවර්ධන මැතිතුමා ජිනීවාහි එක්සත් ජාතීන්ගේ කාර්යාලය, ජාත්‍යන්තර කම්කරු සංවිධානය හා සංක්‍රමණ සඳහා වූ ජාත්‍යන්තර සංවිධානය යන ආයතනවල අධ්‍යක්ෂ ජනරාල්වරුන් සහ අන්තර් පාර්ලිමේන්තු සංගමයේ මහලේකම්වරයා හමුවනු ඇත.

055

අදහස් (18)

දිනේෂ් ගුණවර්ධන ජීනිවා නුවරට ළඟාවෙයි

ජනහිත Wednesday, 26 February 2020 01:08 AM

අමාත්‍ය දිනේෂ් ගුණවර්ධන මැතිතුමා ජිනීවාහි එක්සත් ජාතීන්ගේ සාමාජික රටවල නිලධාරින් සමග කරන සාකච්ඡා වලදී සත්‍ය කතාකොට තිබෙන්නා වූ ප්‍රශ්නවලට ඔවුන් සමග පිළිතුරු සෙවීම කරනවා මිස ලංකාවේ පාර්ලිමේන්තුවේ හෝ දේශපාලන වේදිකාවේදී මානව හිමිකම් සහ ප්‍රතිපත්තීන් පිළිබඳ අබ ඇටයක් තරම් හෝ දැනුමක් නොමැති ලංකාවේ මිනිසුන්ට කරනු ලබන ලොකු ටෝක්වලින් මිනිසුන් මුලාකරන ආකාරයට එක්සත් ජාතීන්ගේ සාමාජික රටවල නිලධාරින් සමග ප්‍රශ්න විසඳා ගැනීමට ගියහොත් ලංකාවට ලැබී තිබෙන GSP නිදහස සහ ලංකාවේ මාළු යුරෝපයට යැවීමට තිබෙන අවස්ථාව නැතිකර නොගන්න වගබලා ගන්න. කරුණාකර ඔබගේ වර්තමාන රජයේ ලොකු ලොක්කන් නිතරම කතාකරන විදුලි පුටුව තිබෙන්නේ කොහෙද කියා සොයාබලා එම පුටුවේ පින්තුරයක් මාධ්‍යවල පලකරන මෙන් ඉල්ලා සිටිමි. එසේ කිරීමට නොහැකිනම් මෙපමණ කලක් ඔබලාගේ සුළුපක්ෂ නායකයන් විදුලි පුටුව ගැන රටේ මිනිසුන්ට කරන්නාවූ බොරු දැන්වත් නවත්වන්න. දැන්වත් යථාර්තයට මුහුණදී ලංකාවේ මිනිසුන්ට සත්‍ය පහදා දෙන්න. බෞද්ධ නායකයන් වන ඔබලාට ඔය හැටි බොරු කිව හැකිද?

: 175 125

almeida Wednesday, 26 February 2020 01:29 AM

ඉතින් අපට මොකද?

: 97 4

සමන්ත Wednesday, 26 February 2020 04:42 AM

ලඟා වෙලා කරයි..............අනේ මේ නිකම් යන්න මහත්තයෝ යන්න. ඔය ලංකාවේ පාර්ලිමේන්තුවේදී මාළු මාර්කට් එකේ වගේ කෑගැහුවට එහෙ ගිහින් මොනවා කියන්නද? බලාගෙන ඉන්න කෙරුවාව. නිකම් සවුත්තු වෙලා එයි. එච්චරයි.

: 230 578

WasudewaWednesday, 26 February 2020 06:21 AM

සහතික ඇත්ත. මේ ගොල්ලෝ අවුරුදු 72 ක් රට කරලා අද වෙනකොට ලංකාව ට්‍රිලියන ගණනක ණය කන්දක ලෝකෙට අපිව හිරකරලා තියෙන්නේ. මහා පුරාජේරුවට ජීනිවා ගිහිල්ල කරන දේ මොකක්ද?අලුත් ආණ්ඩු හදල ලෝකේ වටේට අපිව තවත් ණය කාරයෝ කරනවා ඇරෙන්න වෙන මොනවද මේගොල්ලෝ කරන්නේ.අපේ රට සුද්දා පාලනය කලානම් අපි සත පහක් වත් ලෝකෙට ණය නැහැ.

: 64 369

HemanthaWednesday, 26 February 2020 06:32 AM

මේකත් කට්ටිය සැපෙන් ඉන්න යන පුස් ගමනක් විතරයි. රටට දරන්න බැරි හෝටල් බිලක් නම් එවි.

: 107 115

mihira Wednesday, 26 February 2020 05:10 AM

ලගාවීම ගැන ස්තූතියි.

: 46 61

Manjula Wednesday, 26 February 2020 05:51 AM

දිනෙෂ් ගුනවර්ධන කියන්නෙ අලුත් එයාර්ලයින් එකක්ද ?

: 22 127

Janaka from Matara Wednesday, 26 February 2020 06:38 AM

"දිනේෂ් ගුණවර්ධන ජීනිවා නුවරට ළඟාවෙයි" අම්මේ ඇති. මං හිතුවේ මඩකලපුවෙන් බැහැලා අර හනුමා වගේ පාරවල් වල දුව ඇවිදියි කියලා.

: 23 117

Kumara Wednesday, 26 February 2020 06:59 AM

අර විමලත් ළගාවුනානම් කරුණාව බලාගන්න තිබ්බා.

: 0 110

lalithmWednesday, 26 February 2020 07:37 AM

යාටිගිරියේ දිනේෂ් සහ හිවලාගමුවේ විමලේ. විමලෙත් ගියානම් සභාව ඉස්සරහ එළියේ උපවාසයක් කාරිය කරලා රඟදක්වන්න තිබුන එයාගේ පාට් එක.

: 42 107

kamal Wednesday, 26 February 2020 07:16 AM

එහෙට ලඟා වීමත්, අපෙන් දුරස් වීමත් ගැන සතුටුයි.

: 35 89

hema Wednesday, 26 February 2020 07:45 AM

අපේ දිනේෂ් මහත්තය යටිගිරියෙන් කෑගහලා අඩිය පොලවේ හප්පලා දෙකයි කියන්නේ, ඔය යෝජනාව ඒ අයම ඉල්ලා අස්කරගන්නවා. ලංකාවේ පාර්ලිමේන්තුව හොලවාගෙන ඉන්න එතුමාට ඔය කියන සමුළුව මොකක්ද.

: 65 35

jj Wednesday, 26 February 2020 09:36 AM

ඕකව එහෙම තියන්න තියෙන්නේ...

: 31 20

විපරමා Wednesday, 26 February 2020 09:38 AM

බොරලුගොඩ මොන පිස්සුවක් කෙළයිද කියන්න බැහැ. දේශපාලුවෝ පාර්ලිමේන්තුවේ පිස්සු කෙළන හැටි ලොකේම දන්නවා. මොනවා නැතත් ගිය කට්ටිය හොද සවාරියක් නම් ගහලා එයි.

: 0 4

gune Wednesday, 26 February 2020 09:52 AM

දිනේෂ් උතුමා ලඟා වෙලා කියලා ජිනීවා කට්ටියට එහෙම දන්වන්න එපා. ඒ ගොල්ල බය වෙලා ජිනීවා දාලා දුවයි වෙන කොහෙට හරි.

: 0 1

සනත් ඉතාලිය Wednesday, 26 February 2020 10:15 AM

ටොයියොයි 3% ඇටකිච්චොයි විතරද මෙතන ඉන්නේ? අම්මෝ කට්ටියගෙ අදහස්.

: 6 78

athuraThursday, 27 February 2020 06:32 AM

නැහැ. නැහැ. 69 ලක්ෂයේ පරම්පරාගත වහලෙකුත් ඉන්නවා. ඔය ඉන්නේ ඔබතුමා.

: 0 1

Rohana Wednesday, 26 February 2020 11:30 AM

ඇත්තටම අර කිව්වා වගේ මෙයා ජිනීවා වලත් බැරිම වුණොත් යටිගිරියෙන් කෑගහලා හරි සියලුම ප්‍රශ්න විසඳා ගෙන එයි කියලා අපි බලාපොරොත්තු වෙනවා...

: 0 1

ඔබේ අදහස් එවන්න

එසැණ පුවත්

ප්‍රධාන පොලිස් පරීක්ෂක මහකුමාර මහතා දිවියට සමුදෙයි

2025 මැයි මස 09 207 0

වසර පහළොවකට වැඩි කාලයක් පොලිස් මාධ්‍ය කොට්ඨාශයේ රාජකාරී කළ ප්‍රධාන පොලිස් පරීක්ෂක මහ කුමාර මහතා අද (9) උදෑසන අභාවප්‍රාප්ත විය.

ජොන්ස්ටන්ට පොහොට්ටුවේ ලොකු පුටුවක්

2025 මැයි මස 09 408 0

හිටපු අමාත්‍ය ජොන්ස්ටන් ප්‍රනාන්දු මහතා ශ්‍රී ලංකා පොදුජන පෙරමුණේ මෙහෙයුම් ප්‍රධානියා ලෙස පත් කරනු ලැබ සිටි.

වලල්ලාවිට හිටපු සභාපති උදේනිට ඇප

2025 මැයි මස 09 96 0

වලල්ලාවිට ප්‍රාදේශීය හිටපු සභාපති පාලන කාලයේ විකිණීම සඳහා සංවර්ධනය කරනු ලබන ඉඩම්වලට අනුමැතිය දීමට රුපියල් 6730000.00 අල්ලසක් ලබා ගත්තේ යැයි කියන සිද්ධියක්