දක්ෂිණ අධිවේගයේ අනතුරකින් කාන්තාවක් මියයයි

(බිමල් ශ්‍යාමන් ජයසිංහ)

දක්ෂිණ අධිවේගී මාර්ගයේ ගමන් ගත් වෑන් රියක් එහි නාම පුවරුවක ගැටීමෙන් සිදු වු අනතුරකින් වෑන් රියෙහි ගමන් කළ කාන්තාවක් මිය ගොස් ඇගේ සැමියා, පුතා සහ දියණියන් දෙදෙනා බරපතල ලෙස තුවාල ලබා ඇතැයි පොලිසියි පවසයි.

අද (26) උදෑසන මෙම අනතුර සිදු වී තිබේ.

තුවාල ලැබු සිව්දෙනා නාගොඩ රෝහලට ඇතුළු කර ඇති අතර අසාධ්‍ය තත්ත්වයේ සිටි බාල දියණිය කොළඹ ජාතික රෝහලට යවා ඇතැයි පොලීසිය කියයි.

වෑන් රිය පැදවු ඔවුන්ගේ පුත්‍රයාට නින්ද යාම හේතුවෙන් මෙම අනතුර සිදුව ඇතැයි පොලිසිය කියයි. අනතුරින් වෑන් රථයට දැඩි අලාභ හානි සිදුව ඇත.

අදහස් (9)

දක්ෂිණ අධිවේගයේ අනතුරකින් කාන්තාවක් මියයයි

janatha anura UAE Wednesday, 26 December 2018 05:32 AM

වරද මාර්ග නිර්මාණකරුවන්ය. ජාත්‍යන්තර ප්‍රමිතිය නැහැ... සියලුම අනාරක්ෂිත විදුලි කණු, නාම පුවරු, ගන්ට්‍රි කණු, අඩිය ඇති තැන්වල කොන්ක්‍රීට් බැරියර් සිංගල් පැති සහිතව ඉදිකළ යුතුයි.

: 334 6

GihanWednesday, 26 December 2018 05:12 PM

මෙතුමාගේ බුද්ධි මහිමය දැක්ක නේද. ?

: 1 17

janatha anura Wednesday, 26 December 2018 05:38 AM

නිදිමත නිසා ජීවිත නැතිවේ. අධිවේගවල රියැදුරන් නිදි මත දැනේ නම් වහාම කිට්ටුම ස්ථානයෙන් මාර්ගයෙන් ඉවත් විය යුතුයි. විනාඩි පහක ව්‍යායාමය සහ රටකජු වැනි යමක් අනුභවයෙන් තවත් පැයක කාලයක් ගමන් කල හැක.. දිනපතා ව්‍යායාම කරන විට නිදි බර ඇති නොවේ.. නිතරම දුරගමනේදී නිදි මත දැනේ නම් ප්‍රතිකාර සඳහා යොමුවීමෙන් ඔබගේත්, අන් අයගේත් ජීවිත රැකෙනු ඇත..

: 3 77

wedage Wednesday, 26 December 2018 06:50 AM

අම්මලා හිතාගෙන ඉන්නේ පුතෙක් හදාගෙන රියදුරු බලපත්‍රයක් අරගෙන දුන්නාම පුතා විශ්වකර්මයෙක් කියලා ඉස්සරහ ආසනයේ ඉඳගෙන නිදාගන්න එකම තමයි කරන්නේ පුතාට මහන්සිද? නැත්ද? කියලා බලන්නේ නෑ..

: 0 223

Sathyayaa Wednesday, 26 December 2018 06:51 AM

අපේ පල්ලෙවත්ත මහත්තයට මොකද දන්නේ නැහැ තාම හිතුනේ නැත්තේ එයාර් බෑග් උපාංගය වගේම රියදුරාට නිදිබර ගතිය සටහන් කරගන්නා කැමරාවක් සහිත මෙවලමක් තනා ඒ අනුව අනතුරු හඟවන ආලෝකයක් මෙන්ම, ශබ්දයක්ද නිකුත් කරන්න ක්‍රමයක් හඳුන්වා දෙන්න.. ඒ මහත්තයාට සමහරවිට හිතුණද දන්නේ නැහැ... නිදිමතේ රථ එලවන එකම රට ලංකාව වීමත්, එයිනුත් නින්ද යන අනුපාතය ඉතාම කුඩා සංඛ්‍යාවක් නිසා ජපන් සමාගම් ඔය වැඩේට අතගහන එකක් නැහැ කියලා. අත ලෙවකන්න කවුරුත් මී කඩන්නේ නැහැනේ...!

: 39 88

Rohana Wednesday, 26 December 2018 08:04 AM

නින්ද යන අය වාහන එළවීම භයනක බවට මේ අනතුරෙන් වත් පාඩම් ඉගෙන නොගැනීම තමයි කණගාටුව... රටේ සිදුවන රිය අනතුරුවලින් දැන් සැලකිය යුතු කොටසක් රියදුරුට නින්ද යාමෙන් සිදුවන අනතුරු බවට පත්වෙලා තිබෙනවා...

: 0 121

ET Wednesday, 26 December 2018 10:48 AM

වාහනයක් පදවන විට සියළු දෙනාම නිදි ගැනීම අප කරන බරපතල වරදක්. කෙනෙක් රියදුරු සමඟ කථා බහ කරමින් යාම වඩා සුදුසුයි.

: 2 137

Desh0212feb Wednesday, 26 December 2018 01:51 PM

යන තැනක පරිස්සමෙන් පලයල්ලා. ඒ පුතා කොහොම හිත හදා ගන්නද? තමන්ගේ අතින් අම්මා මැරුණු නිසා.. වැරදි වුණාම කවුරුත් නැත..

: 0 25

මංජු Thursday, 27 December 2018 06:26 AM

අර උඩ කමෙන්ට් ඒකක තිබුණු සෙන්සර් කතාව දැකලා ලියන්න හිතුනේ. දැන් එන අලුත් වාහන වල ඔය කියන සෙන්සර් තියෙනවා . රියදුරුට නිදිමතනම් මැද කන්නාඩියෙ සෙන්සරයකින් ඒක දැනගෙන ගෙන අනතුරු හැගවීමේ හඩක් එනවා. ඒ වගේම බිමත්ව රිය පදවන විටදී වාහනය ගමන් ගන්නා ආකාරය අනුව ඒකට ප්‍රතිචාර දක්වන වාහන තියෙනවා. හැමෝටම ඒ වගේ වාහන නැති එක ඇත්ත. එත් ඒ සෙන්සරේ වැඩේ වාහනේ යන කෙනෙක් බාර ගන්නවානම් ඔහොම මිනිස්සු මැරෙන්නේ නෑ .

: 0 36