2025 ඔක්තෝබර් මස 29 වන බදාදා
(ක්‍රිෂාන් ජීවක ජයරුක්)
ජේෂ්ඨ නියෝජ්‍ය පොලිස්පති රවී විජේගුණවර්ධන මහතා යටතේ විශේෂ විමර්ශන ඒකකයක් පවත්වාගෙන යාම සම්බන්ධයෙන් විශේෂ පරීක්ෂණයක් පැවැත්වෙන බව පොලිස් ආරංචි මාර්ග සඳහන් කරයි.
මාතර මැද්දවත්තේ ඇපලෝ 05 ගොඩනැගිල්ලේ පවත්වාගෙන ගිය මෙම විශේෂ විමර්ශන ඒකකය ඉදිරි දින කිහිපය තුළදී විසුරුවා හැරීමට නියමිත බව දැන ගන්නට ඇත.
එහි සේවයට අනුයුක්ත කර ඇති පොලිස් නිලධාරීන් අවට පොලිස් ස්ථාන වලට අනුයුක්ත කරනු ලැබුවහොත් රත්ගම බූස්ස ප්‍රදේශයේ ව්‍යාපාරිකයින් දෙදෙනා අතුරුදන් කිරීමේ පරීක්ෂණ වලට බාධාවක් වන නිසා එම ඒකකය විසුරුවා හැරීම ප්‍රමාද කර තිබේ.
ජේෂ්ඨ නියෝජ්‍ය පොලිස්පතිවරයකුගේ ප්‍රධාන රාජකාරිය පොලිස් පරිපාලනය සිදු කිරීම බවද විශේෂ විමර්ශන ඒකකයක් පවත්වාගෙන යාම කුමන හේතුවක් මත සිදු කළේද යන්න සොයා බලන බවද උසස් පොලිස් නිලධාරියෙක් පැවසීය.
තවද විනය විරෝධී ක්‍රියාවක් මත පොලිස් කොස්තාපල්වරුන් දෙදෙනෙකු මාතර කොට්ඨාසය භාර පොලිස් අධිකාරී ගයංග හසන්ත මාරපන මහතා විසින් වැඩ තහනමට ලක් කරනු ලැබ ඇති අතර ඔවුන් සුලු කාලයක් තුළදී යළි සේවයේ පිහිටුවා එම ඒකකයටම අනුයුක්ත කිරීමට ද ජේෂ්ඨ නියෝජ්‍ය පොලිස්පති රවී විජේගුණවර්ධන මහතා කටයුතු කර තිබූ බව පොලිස් ආරංචිමාර්ගවලින් පැවසේ.
රත්ගම බූස්ස රත්න උදාගම ව්‍යාපාරිකයින් දෙදෙනෙකු නිල නොවන ආකාරයට අත්අඩංගුවට ගෙන අතුරුදන් කළේ යැයි මෙම ඒකකයට චෝදනා එල්ල වී තිබේ. මේ වන විට එම ඒකකයේ පොලිස් පරීක්ෂකවරයකු අත්අඩංගුවට ගෙන ඇත.
2025 ඔක්තෝබර් මස 08
1638
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
1399
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
498
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
දකුණේ විශේෂ විමර්ශන ඒකකය ගැනත් විමර්ශනයක්
Mahee Monday, 18 February 2019 07:00 PM
රන්ජන් කියල තිබුන වගේ පුර්ණ විශ්වාසය තැබිය හැකි ඍජු පොලිස් ප්‍රධානීන් දෙදෙනෙකු ඒ කියන්නේ ලතීෆ් සහ ශානි අබේසේකර මහත්වරුන් අපේ පොලිසියේ සිටීම නිසා අපට යන්තම් හෝ සැනසුම් සුසුමක් හෙලන්න පුළුවන්.
සෙනෙවි Tuesday, 19 February 2019 02:36 AM
මෙවැනි රහස් ඒකක පවත්වා ගැනිම, විශේෂයෙන් මෙවැනි කලක ප්‍රජාතන්ත්‍රවාදයට එල්ල වන මරු පහරකි. මේවාට අනුබල නොදෙන පාලකයන් පත්කිරීමට ජනතාව කල්පනාකාරි විය යුතුය
Thilan Tuesday, 19 February 2019 04:32 AM
රත්ගම අතුරුදහන් වුවන් දෙදෙනා අහිංසකයන්ද යන වග දැනගැනීමට අපි කැමැත්තෙන් සිටිමු.
sarath perth Tuesday, 19 February 2019 07:31 AM
මෙතන මොකක්හරි ලොකු කුමන්ත්‍රණයක් තියනවා. කුඩු වලට පුරුදුවුණ දේශපාලකයන් සම්බන්දයක් ඇති.
saliya Wednesday, 20 February 2019 10:39 AM
මේවැනි ඒකක තබාගන්නේ ප්‍රජාතන්ත්‍රවාදය කියන කකුලුවට නිදහස කියන හැලිය රත්වන්න නොදී බොහොම කාලයක් තියාගන්න. පටු ආකල්ප තියන වැඩිය බුද්දිමත් නැතී කට්ටිය හිතන්නේ ලෝකේ හැමතැනම ප්‍රජාතන්ත්‍රවාදය 100% ක්ම ස්ථාපිතයි කියල.
athula Friday, 22 February 2019 05:42 PM
මේක මහා පුදුම පාලන රටාවක් තියෙන රටක්. නිරායුද ජනතාවට බදු බර පමණක් නොව මැරයන්ගේ, මංකොල්ලකාරයන්ගේ රාජ්‍ය ත්‍රස්තවාදීන්ගේ කුඩුකාරයන්ගේ , දේශපාලකයන්ගේ මගමරුවන්ගේ, සහ ඩෙංගු මදුරුවන්ගේ බේරිලා ඉන්න බැරි අතිශය ව්‍යාකුල බවක් අද ගොඩ නැගී තිබෙනවා. මෙරට කොහෙටද ගමන් කරමින් ඉන්න එක එකට ඕන විදිහට මිනී මරනවා ඒවා සාධාරනය කරනවා. අහිංසකයින්ට කාගේ පිහිටක්ද ? මෙම ක්‍රමයම වෙනස් කලයුතුමයි...