තිරුකුමාර් නඩේෂන්ගෙන් ජනපතිට ලිපියක්

(සුජිත් හේවාජුලිගේ)

පැන්ඩෝරා පත්‍රිකාවල තමාගේ සහ තම බිරිඳගේ නම සඳහන් වී ඇති හෙයින් ඒ සම්බන්ධයෙන් කරුණු සොයා බැලීම සඳහා ස්වාධීන විමර්ශන නිලධාරියකු පත්කරන ලෙස හිටපු ඇමැතිවරියකවන නිරූපමා රාජපක්ෂ මහත්මියගේ ස්වාමියා වන තිරුකුමාර් නඩේෂන් මහතා ජනාධිපතිවරයාට ලිපියක් යවමින් ඉල්ලීමක් කරයි.

ඒ සඳහා විශ්‍රාමික අභියාචනාධිකරණ විනිසුරුවරයකු පත්කිරීම වඩාත් සුදුසු බවද ඔහු එම ලිපියෙන් පෙන්වාදී ඇත.

එසේම තමා සහ තම බිරිඳ කිසිදු වරදක් කර නැති බවත් ඉදිරිපත් වී ඇති මෙම චෝදනාවලට නිර්දෝෂී යැයි සහතික වන බවත් නඩේෂන් මහතා එම ලිපියෙන් වැඩිදුරටත් ප්‍රකාශ කර ඇත.

පැන්ඩෝරා වත්කම් සම්බන්ධයෙන් චෝදනා එල්ලවී ඇති නිරූපමා රාජපක්ෂ මහත්මිය හිටපු ඇමැතිවරියකි.

මේ සිද්ධිය සම්බන්ධයෙන් ස්වාධීන අපක්ෂපාතී විමර්ශනයක් පවත්වන්නැයි විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා ඇතුළු සමගි ජන බලවේගයේ මන්ත්‍රීවරු පිරිසක් රජයෙන් පාර්ලිමේන්තුවේදී පෙරේදා (6) ඉල්ලීමක් කළහ.

මේ අතර මෙම සිද්ධිය සම්බන්ධයෙන් විමර්ශන පවත්වා මසක් ඇතුළත තමාට වාර්තාවක් ඉදිරිපත් කරන ලෙස ජනාධිපති ගෝඨාභය රාජපක්ෂ මහතා අල්ලස් හෝ දූෂණ චෝදනා විමර්ශන කොමිෂන් සභාවේ සභාපතිවරයාට දැනුම් දුන්නේය.

අදහස් (8)

තිරුකුමාර් නඩේෂන්ගෙන් ජනපතිට ලිපියක්

kamal Wednesday, 06 October 2021 02:18 PM

හොරාට කළින් කණා වැට පැන්නද? පවු අහිංසකයා. මේ නරුම පැන්ඩෝරා පත්‍රිකා කාරයෝ වැදගත් නෝනා මහත්වරුන්ට අපහාස කරන හැටි...?

: 0 0

විජිත් Wednesday, 06 October 2021 02:46 PM

" බඩුත් හොරුන්ගේ - නඩුත් හොරුන්ගේ " කියලා කතාවක් තියෙනවා.

: 0 0

Bamunuarachchi Wednesday, 06 October 2021 03:00 PM

මෙන්න මම දකින විදිහ. තිරුකුමාර් නඩේෂන්ගෙන් මහතාගේ වත්කමයි ඩොලර් මිලියන 180 කියන්නේ. වත්කම කීවාම ඔහුගේ වතුපිටි, හරකාබාන, ගේ දොර ඉඩකඩම්, යාන වාහන. වෙළඳ පොලේ ඇති කොටස්, මේ සියල්ලම අයිති. මුදල් වශයෙන් තිබෙනවා කියන්නේ මිලියන 18 යි. ඒවා තිබෙන්නේ ඒ රටවල අදාළ බැංකුවල. ඒ රටවලට බදු ගෙවීමෙන් පසු. එහෙමනම් ජෙප්පෝ කියන විදිහට ඒවා කළු සල්ලි වෙන්න බැහැ. නීත්‍යානුකූලව වෙන රටක උපයන මුදල් මෙරරට ගෙන ආ යුතුද? එසේ කලොත් එම රටේ සිට බිස්නස් කරගෙන යන්නේ කෙසේද?

: 0 0

Nuwan Wednesday, 06 October 2021 03:28 PM

මෙයා 2016 බේරගන්න කියලා ලිව්ව ලියුමකුත් ලීක් වෙලා...

: 0 0

Don Wednesday, 06 October 2021 04:02 PM

මරු වැඩේ කියන්නේ දැන් හොරුම පරීක්ෂණ ඉල්ලන තැනට රට පත්වෙලා. පරීක්ෂණ නිලධාරියාවත් නිර්දේශ කරන්නේ හොරු...

: 0 0

විපරමා Wednesday, 06 October 2021 04:54 PM

ඔක්කොම එකම වල්ලේ පොල්.

: 0 0

Tissa Wednesday, 06 October 2021 05:15 PM

ගෙදර ඇතුලෙ කතා කරගන්න ඕන දේවල්වලට ලියුම් ලියලා පත්තරේ දාන්නත් ඕනෙද සර්?

: 0 0

සෑම් Wednesday, 06 October 2021 06:05 PM

මරු වැඩේ. ලිඛි තවම කියනවා තමාව අල්ලන්න කියලා.

: 0 0