(රංජන් කස්තුරි)

තැපැල් ඡන්ද ප්‍රකාශ කිරීමේදී මෙවර රාජකාරී හැඳුනුම්පත ඉදිරිපත් කිරීමේදී කොන්දේසි පනවා ඇතැයි මැතිවරණ කොමිසම සඳහන් කරයි.

කිසියම් තැපැල් ඡන්ද දායකයෙකු රජකාරී හැඳුනුම්පත ඉදිරිපත් කරන්නේ නම් එම තැපැල් ඡන්ද දායකයා හඳුනා ගැනීම තේරීම්භාර නිලධාරියා විසින් පත්කර ඇති නිලධාරියකු විසින් කළ යුතු බවද මැතිවරණ කොමිසම කියයි.

එසේ නොවන අවස්ථාවලදී කිසිසේත් රාජකාරී හැඳුනුම්පත ඉදිරිපත්කර තැපැල් ඡන්දය සළකුණු කිරීමට ඉඩනොදෙන බවද එම කොමිසම පවසයි.

කෙසේ වෙතත් ජාතික හැඳුනුම්පත වලංගු රියදුරු බලපත්‍ර ,වලංගු ගමන් බලපත්‍ර සහ මැතිවරණ කොමිසන් සභාව නිකුත් කළ තාවකාලික හැදුනුම්පත යන හැඳුනුම්පත්වලින් එකක් ඉදිරිපත් කර තැපැල් ඡන්දය භාවිතා කළ හැකිය.