(පාලිත ආරියවංශ)

සබරගමුව , දකුණ සහ ඌව පළාත් වල හිටපු ආණ්ඩුකාරවරයෙකු වූ ජනාධිපති නීතිඥ  මාෂල් පෙර්රා මහතාගේ අවමංගල්‍ය කටයුතු නිරෝධායන නීතිවලට අනුව සිදුකරන බව සිය පුත් හිටපු පාර්ලිමේන්තු මන්ත්‍රී ඩිලාන් පෙරේරා මහතා පැවසීය.

ඒ සඳහා අවශ්‍ය පහසුකම්  සිය නිවසේ සූදානම් කර ඇති බව සඳහන් කළ  ඩිලාන් පෙරේරා මහතා  සෞඛ්‍ය  උපදෙස් පිළිපදින ලෙස  ජනතාවගෙන් ඉල්ලා සිටින බවද පැවසීය.

කොළඹ පුද්ගලික රෝහලදී ඉකුත් 30 වනදා කළුරිය කළ මාෂල් පෙරේරා මහතාගේ දේහය කොළඹ මල් ශාලාවක සිට බදුල්ල බණ්ඩාරනායක මාවතේ පිහිටි සිය නිවස වෙත (01) දා  රාත්‍රී රැගෙන එනු ලැබීය.

අවසන් කටයුතු හෙට (3) දා  බදුල්ල පොදු සුසාන භූමියේදී සිදුකිරීමට නියමිතය.

 මාෂල් පෙරේරා මහතා වසර 65 ක කාලයක් නීතිවේදියකු ලෙස කටයුතු කළ  බදුල්ල අධිකරණ සංකීර්ණයටද දේහය රැගෙන ගොස් ගෞරව දැක්වීමට කටයුතු යොදා ඇතැයි  බදුල්ල නීතිඥ සංගමයේ සභාපති සුජීවන සිල්වා මහතා පැවසීය.