(ටෝනි කරුණානායක )

පොලිස් මත්ද්‍රව්‍ය නාශක කාර්යාංශයේ නිලධාරීන්  කණ්ඩායමක් සමඟ එක්වී හෙරොයින් ජාවාරම් කිරිමේ නිරත වූ ටයිල් චමින්ද නැමැති සැකකරු ලබන 21 වැනිදා දක්වා රිමාන්ඩ් බාරයේ තබන ලෙස මිනුවන්ගොඩ මහෙස්ත්‍රාත් කේසර සී ඒ සමරදිවාකර මහතා අද (15) නියම කළේය.

අධිකරණ නියෝග මත දින 90 ක් මිනුවන්ගොඩ පොලිසියේ රඳවා තබාගෙන විමර්ශනය කිරිමෙන් අනතුරුව සැකකරුව අද (15) අධිකරණය ට ඉදිරිපත් කිරිමෙන් අනතුරුව මෙසේ රිමාන්ඩ් බාරයට පත් කෙරුණි .

මිනුවන්ගොඩ යටියන ප්‍රදේශයේ පදිංචි චමින්ද දයා ප්‍රියංක මල්ලවආරච්චි හෙවත් ටයිල් චමින්ද යන සැකකරුව මීගමුව රෝහලේ අධිකරණ වෛද්‍ය නිලධාරි වෙත ඉදිරිපත් කිරිමෙන් අනතුරුව අධිකරණය ට ඉදිරිපත් කිරිමට මිනුවන්ගොඩ පොලිසිය අද (15) කටයුතු කළේය .

සැකකරුව හෙරොයින් ග්‍රෑම් 05 ක් සමඟ අත්අඩංගුවට ගෙන තිබූ අතර ඉන් අනතුරුව සැකකරු හෙරොයින් ජාවාරම් කිරීම සදහා උපයෝගී කරගෙන තිබූ වාහන 06 ක් මිනුවන්ගොඩ පොලිසිය මගින් අත්අඩංගුවට ගෙන තිබේ . එම වාහන රජයේ රස පරික්ෂක දෙපාර්තමේන්තුවේ නිලධාරීන් කණ්ඩායමක් ව්සින් මිනුවන්ගොඩ පොලිසියේ දී පසුගියදා පරික්ෂාවට ලක් කළේය.