(යොහාන් භාසුර)

එංගලන්තයේදී පසුගියදා අවසන් වූ තරග සංචාරය අතරතුරදී ‘ජෛව ආරක්‍ෂිත බුබුල’ කඩකරමින් වීථි සංචාරය කළ ක්‍රීඩකයන් තිදෙනා සම්බන්ධයෙන් විනය පරීක්‍ෂණය සඳහා විශ්‍රාමික අධිකරණ විනිසුරුවකුගෙන් සමන්විත නව කමිටුවක් පත්කළේ යැයි ශ්‍රී ලංකා ක්‍රිකට් ආයතනයේ සභාපති ශම්මි සිල්වා මහතා පවසයි.

උප නායක කුසල් මෙන්ඩිස්, ධනුෂ්ක ගුණතිලක සහ නිරෝෂන් දික්වැල්ල මෙම චෝදනාව මත පසු දිනම නැවත ශ්‍රී ලංකාවට පැමිණ මේ වන විට නිරෝධානය වෙමින් සිටිති.