(එම්.සුසිල් ප්‍රියන්ත)

ගාලු පාරේ අම්බලන්ගොඩ ඌරවත්ත ප්‍රදේශයේදී ජීප් රථයක් හා යතුරු පැදියක් මුහුණට මුහුණ ගැටී යතුරු පැදියේ ගමන් ගත් තරුණයින් දෙදෙනාගෙන් එක් අයෙක් මරුමුවට පත්වී අනෙක් අය බරපතල තුවාල ලබා රෝහල් ගත කළ බව අම්බලන්ගොඩ පොලීසිය කියයි.

මේ අනතුරින් මිය ගොස් ඇත්තේ ඇල්පිටිය ගෝනුපාවුලදෙනිය සුපුන් ප්‍රියනාත් නමැති විසිඑක් හැවිරිදි තරුණයෙකි.

අනතුරින් බරපතල තුවාල ලබා ඇත්තේ ඇල්පිටිය කැටන්දොළ තල්ගස්පේ පදිංචි විසිඑක් හැවිරිදි තරණයෙකි. ඔහු බලපිටිය මූලික රෝහලේ ප්‍රතිකාර ලබමින් සිටී.

මේ අනතුරට ලක්වූ ජීප් රථයෙන් පැමිණි පිරිස පලාගොස් ඇති බවත් ඔවුන් සැකපිට ප්‍රශ්න කිරීම සදහා අත් අඩංගුවට ගැනීමට පරීක්ෂණ ආරම්භ කළබවත් පොලීසිය කියයි. 

ගාලු සිට කොළඹ  බලා යමින් සිටි යතුරු පැදියක් හා කොළඹ සිට ගාලු බලා එමින් සිටි ජීප් රථයක් ගැටී මේ  අනතුර සිදුව ඇති බවද පොලීසිය කියයි.