(හර්ෂණ තුෂාර සිල්වා)
ජනාධිපතිවරණයේ ඡන්ද විමසීම ඉතා සාමකාමීව අවසන් වූයේ යැයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරී රුවන් ගුණසේකර මහතා අද (16) පස්වරුවේ පැවැසීය.
ඡන්ද විමසීම සාමකාමීව පැවැත්වීම සඳහා ශ්රී ලංකා පොලිසිය උපරිම ආරක්ෂාව දුන් බවත් ඡන්ද පොළ මධ්යස්ථානවල ආරක්ෂාවට පමණක් පොලිස් නිලධාරීන් 25,700කට වැඩි පිරිසක් යෙදවූ බවත් ගුණසේකර මහතා කීවේය. බරපතළ සිදුවීම් කිසිවක් වාර්තා නොවන බව ද ඔහු කීය.
ඊට අමතරව 3,000කට වැඩි පොලිස් නිලධාරීන් පිරිසක් පොලිස් ජංගම සංචාරවල යෙදුණු බව ද හෙතෙම කීවේය.
ඡන්ද පෙට්ටිවලට මුද්රා තැබීම මේ වනවිට සිදුවන බවත් ඒ සඳහාත් පොලිස් ආරක්ෂාව යොදවා තිබෙන බව ද මුද්රා තැබූ ඡන්ද පෙට්ටි ගණන් කිරීමේ මධ්යස්ථාන වෙත රැගෙන යාම සඳහා ද ආරක්ෂාව දෙන බව ද ගුණසේකර මහතා කීය. ඡන්දය ගණන කිරීමේ මධ්යස්ථානවල ආරක්ෂාවට ජ්යෙෂ්ඨ පොලිස් අධිකාරිවරයකු හෝ පොලිස් අධිකාරිවරයකු හෝ ප්රධානත්වයෙන් පොලිස් නිලධාරීන් 50කට වැඩි පිරිසක් යොදවා ඇතැයි ද ඔහු පැවැසීය.
ආරක්ෂාව සඳහා පොලිස් විශේෂ කාර්ය බළකාය යොදා ඇති බවත් කැරැලි මර්දන ඒකක ද සීරුවෙන් තබා ඇති බවත් ගුණසේකර මහතා කීය.
පශ්චාත් මැතිවරණ කාල සීමාවේ ආරක්ෂාව තහවුරු කිරීම සඳහා ද දැනටමත් පියවර ගෙන ඇතැයි ද ගුණසේකර මහතා වැඩිදුරටත් කීවේය.
ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී
ශ්රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්රසිද්ධය. රට තු
ශ්රී ලංකාවේ ප්රමුඛතම මූල්ය සමාගමක් වන සියපත ෆිනෑන්ස් පීඑල්සී සිය දීප ව්යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.
ජනාධිපතිවරණයේ ඡන්ද විමසීම සාමකාමීයි
Bandara Saturday, 16 November 2019 04:54 PM
පුතාණෝගේ පියාණෝ මතක් වුනා. ඒ කාලෙත් මේකමයි කිව්වේ.