(අංජුල මහික වීරරත්න)
 
ජාතික සිනමා දිනය ලෙස හෙට  (05) වැනිදා ප්‍රකාශයට පත්කරන බව නිවාස ඉදිකිරීම් හා සංස්කෘතික කටයුතු අමාත්‍ය සජිත් ප්‍රේමදාස මහතා පැවැසීය.

ජ්‍යෙෂ්ඨ සිනමාවේදී ආචාර්ය ලෙස්ටර් ජේම්ස් පීරිස් මහතාගේ 100වන ජන්ම දිනය නිමිත්තෙන් මෙම නම්කිරීම කරන බවද අමාත්‍යවරයා පැවසීය.
 
සෑම වසරම අප්‍රේල් 05වැනිදා ජාතික සිනමා දිනය ලෙස ප්‍රකාශයට පත්කිරීමේ අතිවිශේෂ ගැසට් පත්‍රය මේවනවිටත් නිකුත් තර තිබෙන බව කී අමාත්‍යවරයා ඒ අනුව පළමු සිනමා දිනය හෙට(05) පෙරවරුවේ කොළඹ ජාතික චිත්‍රපට සංස්ථා පරිශ්‍රයේදී උත්කර්ෂවත් අයුරින් සැමරීමට සියලු කටයුතු සූදානම් කර තිබෙන බවද සඳහන් කළේය.
 
දේශීය සිනමාව වෙනුවෙන් ලෙස්ටර් ජේම්ස් පීරිස් මහතා කළ අමිල සේවය අගයමින් මෙම සිනමා දිනය නම් කළ බවත් ලෙස්ටර් නමින් කෞතුකාගාරයක්, පුස්තකාලයක් ජාතික චිත්‍රපට සංස්ථා පරිශ්‍රයේ හෙට(05) විවෘත කරන බවත් අමාත්‍ය සජිත් ප්‍රේමදාස මහතා වැඩිදුරටත් කීවේය.
 
රුපියල් ලක්ෂ 150ක් වැයකර මෙම කෞතුකාගාරය ඉදිකර තිබේ.