(නිමල කොඩිතුවක්කු)

 
උතුරු පළාතේ ඇතිවි තිබෙන ගං වතුර හේතුවෙන් විපතට පත් ජනතාවට  අවශ්‍ය ආහාර ද්‍රව්‍ය සැපයීම සදහා රුපියල් කෝටි පහක මුදලක් මේ වනවිට වෙන් කර ඇතැයි අභ්‍යන්තර හා ස්වදේශ කටයුතු සහ පළාත් සභා සහ පලාත් පාළන අමාත්‍ය වජිර අබේවර්ධන මහතා පැවැසීය.

අනෙකුත් අවශ්‍යතා සදහා අවශ්‍ය ප‍්‍රමානය මත මුදල් ප‍්‍රතිපාදන වෙන් කිරිමට අපේක්ෂා කරන බවද අමාත්‍යවරයා සදහන් කළේය.

කොළඹ මල් පාරේ පිහිටි අග‍්‍රාමාත්‍ය කාර්යාලයේ අද (26) පැවති මාධ්‍ය හමුවකට එක්වෙමින් ඔහු මේ බව පැවැසිය.

ගං වතුර හේතුවෙන් විපතට පත් ජනතාව මේ වනවිට කඳවුරු 27ක් තුළ රඳවා සිටින බවත් ආරක්ෂක අංශද සම්බන්ද කරගනිමින් ඔවුනටට අවශ්‍ය පහසුකම් සලසන බවත් අමාත්‍යවරයා කීය.

ගංවතුර හේතුවෙන්  හානියට පත් පාසල්, මහාමාර්ග, නිවාස ආදී සියලූම දේ ඉදිරි සති කිහිපය තුළ යථා තත්වයට පත් කරන බවද කී අමාත්‍යවරයා පාසල් පොත් ඇතුලූ උපකරන ලබා දීමට කැමති අය වෙතොත් ඒවා ප‍්‍රාදේශීය ලේකම්  කාර්යාල වලට භාර දෙන ලෙසටද මහජනතාවගෙන් ඉල්ලිමක් කළේය