( තිලකරත්න දිසානායක.)
කොළඹ ලේ බැංකුවේ සිට අනුරාධපුර ජාතික රෝහල වෙත ගමන් ගනිමින් සිටි අනුරාධපුර රෝහලෙහි ගිලන්රථ රියදුරෙකුට පහර දීමේ සිද්ධියක් සම්බන්ධයෙන් යක්කල පොලීසිය මගින් මහජන සෞඛ්ය පරීක්ෂකවරයකු අත් අඩංගුවට ගෙන ඇත.
ඊයේ ( 23) රාත්රියේ මහජන සෞඛ්ය පරීක්ෂක වරයා තවත් අයෙකු සමග මෝටර් රථයක ගමන් ගනිමින් සිට ඇති අතර යක්කල පොලිස් බල ප්රදේශයට අයත් බැලුම්මහර නගරයේදී මෝටර් රථයට ඉඩ නොදීමේ සිදුවීමක් හේතුවෙන් ගිලන්රථය ඉදිරියෙන් මෝටර් රථය නවත්වා කතා බහක් ඇතිව එය පහර දීමක් දක්වා දුරදිග ගොස් ඇති බව පොලීසිය පවසයි.
පහරදීම සම්බන්ධයෙන් ගිලන්රථයේ රියදුරා යක්කල පොලිස්ථානයට පැමිණිලි කොට ඇති අතර පහරදීම සිදුකළ අවස්ථාවේ ගිලන්රථයේ සිටි සහායකයා විසින් සිය ජංගම දුරකථනයෙන් රූපගත කිරීමේදී පහරදුන් අය විසින් ජංගම දුරකථනය උදුරාගෙන පොලවේ ගැසූ බව ප්රකාශ කළ බවත් පොලීසිය පවසයි.
පහර කෑමට ලක්ව ඇති ගිලන්රථ රියදුරා ගම්පහ දිස්ත්රික් මහ රෝහලට ඇතුළත්ව මූලික ප්රතිකාර ලබා අනුරාධපුර රෝහල බලා ගොස් ඇති බව රෝහල් ප්රකාශකයෙකු පැවසීය.
මෙම පහරදීම සම්බන්ධයෙන් යක්කල පොලිස්ථානාධිපති පොලිස් පරීක්ෂක සුමිත් සුසන්ත මහතාගේ උපදෙස් මත අත්තනගල්ල සෞඛ්ය වෛද්ය නිලධාරි කාර්යාලයට අනුයුක්තව සේවය කරන මහජන සෞඛ්ය පරීක්ෂක සහ ඔහු සමග ගමන්ගත් පුද්ගලයා අත් අඩංගුවට ගනු ලැබිය.
ඔවුන් අද (24) ගම්පහ මහේස්ත්රාත් අධිකරණය වෙත ඉදිරිපත් කිරීමට නියමිතය.
2025 නොවැම්බර් මස 21
127
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
209
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1070
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
ගිලන්රථ රියදුරුට පහරදුන් සෞඛ්ය පරීක්ෂක අත්අඩංගුවට
සමිත සේනක අලුත්ගමගේ. Sunday, 24 May 2020 07:44 AM
පී.එච්.අයි. කෙනෙකු ගිය දුර... මේ වගේ වැඩ දාන්න ගියාම තමයි කඩ කාරයන් අල්ලාගෙන නෙලන්නේ. ඒත්, කඩකාරයාත් හොඳහැටි නෙළන නිසා ඒ මිනිහා අමාරුවේ වැටෙනවා. බොහෝ පී.එච්.අයි වරුන්ගේ හැටි ජනතාව හොඳට දන්නවා. හොඳ නිලධාරීන්ට අපේ ප්රණාමය. ඒත්, පඩියට අමතරව ලැබෙන මුදල්වලින් සමහර දෙනා ගජ පෝසතුන් වෙලා. ඒත් කෝ .. මේ වත්කම්, බැරකම් තද නින්දේනේ..?
wicky Sunday, 24 May 2020 08:42 AM
ගිලන් රථයකට රටේ ප්රධානියාගේ නිල රථය වුවත් මාර්ගය ඉඩදීම තමයි මූලික නීතිය. උපරිම දඬුවම් කරන්න ඕනෑ නැවත මෙවැනි දේ නොවන්නට.
niwataya Sunday, 24 May 2020 01:08 PM
කුණු ඉන්ස්පෙක්ටර්වරු පසුගිය සමය හොඳින් සිට අද පාට් දමා නිවටයන් බවට පත්වෙති!