(සමන් පාලිත නානායක්කාර)

හැත්තෑ හත් හැවිරිදි පියාට පහර දී වධ හිංසාවට ලක් කළ බව කියන පුතා සහ ලේලිය අත්අඩංගුවට ගත් බව හල්දුම්මුල්ල පොලිසිය පවසයි.

හල්දුම්මුල්ල ඌවතැන්න පදිංචි පුතකු සහ ලේලියක මෙසේ අත්අඩංගුවට ගෙන ඇත.

ලේලිය ගුරුවරියක බවත් බත් පතේ සම්බෝලයට කෙළ ගසා කන්න දුන් බවත් පුතා සමග පහරදී නිවසින් එළවා දැමූ බවත් පවසමින් ඉකුත් දින හල්දුම්මුල්ල පොලීසියට පැමිණි හැත්තෑ හත් හැවිරිදි පියා හල්දුම්මුල්ල දිසා රෝහලට ඇතුළත් කළ බව හල්දුම්මුල්ල පොලිසිය කියයි.

මෙසේ අසරණ වී පොලීසියට පැමිණ ඇත්තේ හල්දුම්මුල්ල ඌව තැන්න පදිංචි ඩී ප්‍රේමදාස සිල්වා නමැති පියෙකි.

ලේලිය පහරදී තම අත සපා කෑ බවද කාලයක් තිස්සේ නිවෙසේදී තමන් මෙසේ වධ හිංසාවලට ලක් වූ බව ද ඔහු පොලීසියට කළ පැමිණිල්ලේ සඳහන් වේ.

කිලෝමිටර් 5ක් පමණ පා ගමනින් ම පොලීසියට පැමිණ හාමතේ සිටි පියාට පොලීසිය අහාර ලබා දී සාත්තු සප්පායම් කර හල්දුම්මුල්ල දිසා රෝහලට ඇතුලත් කර තිබේ.

අත්අඩංගුවට ගත් පුතා සහ ලේලිය බණඩාරවෙල මහේස්ත්‍ර්ත් අධිකරණයට ඉදිරිපත් කිරීමට නියමිතය