ගැබ්ගෙල පිළිකා වලින් ආරක්ෂා වීම කාන්තාවන්ට  ලබාදෙන එන්නත සඳහා ලෝක සෞඛ්‍ය සංවිධානය අනුමැතිය ලබා දී ඇත. 
 
ඒ අනුව ගැබ් ගෙල  පිළිකා රෝගීන් සඳහා මානව පැපිලෝමා වෛරස් එන්නත නිර්දේශ වී ඇති අතර  විශේෂයෙන් දුප්පත් රටවල කාන්තාවන්ට මෙම එන්නත ලබාදීමට පිළිකා  විශේෂඥයන්ගේ අවධානය යොමු වී ඇත. 
 
2018 දී ලොව පුරා ගැබ්ගෙල පිළිකා රෝගීන් 570,000 ක් පමණ සිටින බව පිළිකා පිළිබඳ ලෝක සෞඛ්‍ය සංවිධානයේ සංඛ්‍යා ලේඛන පෙන්වා දෙයි. 
 
සෑම වර්ෂයකම කාන්තාවන් 310,000 වඩා ගැබ් ගෙල පිළිකා වලින් මිය යන අතර,  එයින් බහුතරයක් දුප්පත් රටවල්වල කාන්තාවන් බව අනාවරණය වී ඇත.  
 
මෙම එන්නතට එරෙහිව ධනවත් රටවල ප්‍රචාරයන් ක්‍රියාත්මක වෙමින් පවතින අතර ලෝකය පුරා  කාන්තාවන්ගේ සිව්වන පිළිකා අවදානම ගැබ්ගෙල පිළිකාවයි.
 
2020 වන විට මානව පැපිලෝමා වෛරස් එන්නත  දුප්පත් රටවලින් කාන්තාවන් මිලියන 40 කට ලබාදීම ඔවුන්ගේ අරමුණ බව පසුගිය සතියේ වෙනම ප්‍රකාශයක් නිකුත් කරමින් ලෝක සෞඛ්‍ය සංවිධානය පවසා සිටියේය. 
 
එයින් 900,000 මරණ සංඛ්‍යාවක් වළක්වා ගත හැකි  බවට  වාර්තා වේ. 
 
 
(63226) 
 
රොයිටර් ඇසුරෙනි