නාලක සංජීව දහනායක

ජනාධිපතිවරණ අපේක්‍ෂක ගෝඨාභය රාජපක්‍ෂ මහතා මැතිවරණ ව්‍යාපාරය සඳහා නිල මාධ්‍ය ප‍්‍රකාශකවරුන් දෙදෙනෙකු පත්කළ බව ශ්‍රී ලංකා පොදුජන පෙරමුණ සදහන් කරයි.

ඒ අනුව මාතර දිස්ත‍්‍රික් පාර්ලිමේන්තු මන්ත‍්‍රී ඩලස් අලහප්පෙරුම හා මහනුවර දිස්ත‍්‍රික් පාර්ලිමේන්තු මන්ත‍්‍රී කෙහෙලිය රඹුක්වැල්ල යන මහත්වරුන් මාධ්‍ය ප‍්‍රකාශකවරුන් ලෙස පත්කර තිබේ.

විපක්‍ෂනායක මහින්ද රාජපක්‍ෂ මහතාගේ ප‍්‍රධානත්වයෙන් කොළඹ, විජේරාම මාවතේ පිහිටි විපක්‍ෂනායක නිලනිවසේදී පැවැති ඒකාබද්ධ විපක්‍ෂයේ පක්‍ෂනායකයන්ගේ රැස්වීමේදී ගනු ලැබූ ඒකමතික තීරණයක් අනුව මෙම පත්කිරීම් සිදුකර ඇත.