(ඩයනා උදයංගනී)

දින  කිහිපයක්   තිස්සේ   බලපා  ඇති තද වැසි තත්ත්වය හේතුවෙන් ගංගා තුනක ජල මට්ටම ඉහළ ගොස් ඇතැයි වාරිමාර්ග දෙපාර්තමේන්තුව පවසයි.

අත්තනගලු ඔය,  දූනමලේ   ප‍්‍රදේශයෙන් ඉහළයාම හේතුවෙන් මේ වන විටත් සුළු ගංවතුර මටට්මක් ඇතිවී ඇතැයි වාරිමාර්ග දෙපාර්තමේන්තුවේ අධ්‍යක්‍ෂ (ජල විද්‍යා)  මාලා අලවතුවල මහත්මිය පැවසුවාය.

කැලණි ගඟේ ජල මටට්මද නාගලගම්වීදිය,  හංවැල්ල හා ග්ලේන්කෝස් යන ජල මිනුම් ස්ථානයන්ගෙන් ඉහළ යමින් පවතින අතර කළු ගඟේ ජල මට්ටම ද මිල්ලකන්ද ප‍්‍රදේශයෙන් ඉහළ යමින් තිබෙන බව ඇය සඳහන් කළාය.

එබැවින් මෙම ගංඟා  ආශ‍්‍රිතව ජීවත් වන ජනතාව අවදානයෙන් සිටිය යුතු බව වාරිමාර්ග දෙපාර්තමේන්තුව පවසයි.

(ඡායාරූප:  තිලකරත්න දිසානායක)