(ඩයනා උදයංගනී)
කොළඹ නගරයට ඇතුළුවන වාහනවල ස්ටිකරයක් ඇළවීමට පොලීසිය පියවර ගෙන ඇත.
ඒ අනුව ගම්පහ, පානදුර, නුගේගොඩ, ගල්කිස්ස, වත්තල, පෑලියගොඩ, බත්තරමුල්ල ආදී ප්රදේශවලදී මෙම ස්ටිකර ඇලවීම සිදුකෙරුණු අතර ඒ හේතුවෙන් කොළඹ නගරය අවට දැඩි රථවාහන තදබදයක් ද නිර්මාණය වී තිබිණි.
සංචරණ සීමා උල්ලංඝනය කරන්නන් හඳුනා ගැනීම සඳහා මෙම ස්ටිකරය ඇලවීමට පියවර ගෙන ඇතැයි පොලීසිය කියයි.
එක් දිනකට පමණක් වලංගු මෙම ස්ටිකරය ඇලවීමෙන් එකම වාහනය කිහිපවරක් පරීක්ෂා කිරීම සිදුනොවන බවත්, ස්ථාන කිහිපයකදී පරීක්ෂා කිරීමෙන් සිදුවන ප්රමාදයන් අවම කරගැනීම මෙහි අරමුණ බවත් පොලිස් මාධ්ය ප්රකාශත නියෝජ්ය පොලිස්පති අජිත් රෝහණ මහතා කියයි.
(ඡායාරූප: ශාන්ත රත්නෘයක)
COMMENTS
හයියෝ මෙහෙම ගොබ්බ රෑනක්... මෙහේ වාහනවල ස්ටිකර් ගහනවා. අරෙහේ කම්හල්වල කොරෝනා පොකුරු පැටව් ගහනවා...!
හොඳ වැඩක්... තවත් දියුණු කරන්න පුළුවන් මෙම සංකල්පය. සිංගප්පූරුවේ සියලුම ලොරි, බස් රථ, වෑන් සහ කුලී රථවල රැගෙන යා හැකි පුද්ගලයින් ප්රමාණය සඳහන් ස්ටිකරයක් තියෙනවා. වාහනය ලියාපදිංචි කිරීමේදී මෙම ස්ටිකරය අලවනු ලබයි. ඕනෑම වෙලාවක පොලිසියට පරීක්ෂා කරන්න පුළුවන්. රැගෙන යා හැකි මගීන් ප්රමාණය දන්නේ නැහැ කියන්ඩ බෑ කාටවත්ම.
ලංකාවේ හුඟ දෙනෙක් වාහනවල පැටවී යන්නේ ආසාවට නොව, ඔවුන්ට බොහෝ දෙනෙකුට සුවපහසු ලෙස ගමන් කිරීමට තමන්ගේම වාහනයක් මිලදී ගත නොහැකි නිසයි.
වෙනදා අත්යාවශ්ය සේවාවන්වලට යනකොට එක තැනක විනාඩි 8 -10 වගේ තැන් තුනක් විතර නවත්තනවා. මට නම් පොලිසියෙන් ප්රශ්නයක් වෙලා නෑ. ඇත්ත කියලා ලිපි ටිකත් පෙන්නුවාම යන්න දුන්නා. අද වත්තල ඉඳලා කැළණි පාලම ගාවට පැය 2 විනාඩි 41ක් ගියා. ඒත් ස්ටිකරය දවසකට විතරයිලු. මට නම් තේරෙන්නේ නෑ. මෙහෙම තීරණ ගන්නේ මොලයක් පාවිච්චි කරලාද කියලා...?
ඇත්තටම මේ වගේ ප්රායෝගික නැති තීරණ ගන්නේ කවුද අප්පා..? මිනිස්සු මේ සල්ලිත් අමාරු කාලේ පෙට්රල් ගහගෙන රස්තියාදු වෙවී. නිකන් කොළඹ බලලා යන්න එන්න පිස්සුද?