(සුමිත් ප්‍රේමතිලක)

බැංකු සේවකයකුට කොරෝනා වයිරසය ඇසාදනය වී ඇති බවට තහවුරු වීමත් සමගින් කළුතර රාජ්‍ය බැංකුවක් අද (20) දහවල් සිට තාවකාලිකව වසා දැමීමට පියවර ගත් බව කළුතර ජාතික සෞඛ්‍ය වෛද්‍ය විද්‍යායතනයේ අධ්‍යක්ෂක වෛද්‍ය තමර කළුබෝවිල මහතා පවසයි .

එහි ණය අංශයේ සේවය කරන වාද්දුව පොතුපිටිය ප්‍රදේශයේ පදිංචි 37 හැවිරිදි පුද්ගලයකුට කොවීඩ් 19 වෛරසය වැළඳී ඇති බවට තහවුරු වීමත් සමගින් මෙම තීරණය ගත් බවයි ඒ මහතා පවසයි.

අදාළ බැංකු සේවකයාගේ සමීපතමයකුට වයිරසය වැළඳී ඇති බවට තහවුරු වීමෙන් අනතුරුව කරන ලද ක්ෂණික ප්‍රතිදේහ පරීක්ෂණයකින් අනතුරුව ඔහුටද වයිරසය වැළඳී ඇති බවට තහවුරු වී ඇතැයි ඒ මහතා  කියයි.