(සුමිත් ප්රේමතිලක සහ බිමල් ශ්යාමන් ජයසිංහ)
පොලිස් කොස්තාපල්වරයකු රුපියල් ලක්ෂයක් පමණ වටිනාකමකින් යුත් හෙරොයින් මත්කුඩු තොගයක් සමග අද රාත්රි අත්අඩංගුවට ගත්බව කළුතර කොට්ඨාස අපරාධ විමර්ශන ඒකකය පවසයි.
මෙසේ අත්අඩංගුවට ගෙන ඇත්තේ අහුන්ගල්ල පොලිසියේ රාජකාරි කරන කොස්තාපල්වරයකු බව පොලිසිය කියයි .
ලද තොරතුරක් මත පොලිස් කණ්ඩායම කළුතර ගල්අස්සේන ප්රදේශයේ දී සැකකරු පරීක්ෂා කොට හෙරොයින් ග්රෑම් 6 යි මිලිග්රැම් 570 ක් සොයාගෙන , ජාවාරම සඳහා යොදා ගත් බැව් කියන ජංගම දුරකථනය ද පොලිස් භාරයට ගෙන තිබේ .
සැකකරු කළුතර මහේස්ත්රාත් අධිකරණයට ඉදිරිපත් කිරීමට නියමිතයි .
කළුතර කොට්ඨාස අපරාධ විමර්ශන ඒකකයේ ස්ථානාධිපති ප්රධාන පොලිස් පරීක්ෂක සනත් කුමාර මහතාගේ උපදෙස් පරිදි විමර්ශන කණ්ඩායම් 2 ස්ථානාධිපති උප පොලිස් පරීක්ෂක වීරසේන මහතාගේ ප්රධානත්වයෙන් වැටලීම සිදුකර තිබේ.
COMMENTS