කෝවීඩ් රෝගීන්ගේ පැහැදිලි අඩුවක්

(ඩයනා උදයංගනී)

මේ වන විට රෝහල්වල ප්‍රතිකාර ලබන කොවිඩ් රෝගීන්ගේ සංඛ්‍යාවේ කැපී පෙනෙන අඩුවක් දක්නට ලැබෙන බව සෞඛ්‍ය අමාත්‍යාංශයේ නියෝජ්‍ය අධ්‍යක්‍ෂ ජනරාල්, විශේෂඥ වෛද්‍ය හේමන්ත හේරත් මහතා පැවසීය.

රෝහල් සහ ප්‍රතිකාර මධ්‍යස්ථාන 224 ක ඇඳන් 38,420 ක් කොවිඩ් රෝගීන් වෙනුවෙන් වෙන්කර ඇති බවත්, මේ වන විට භාවිතයේ පවතින්නේ ඇඳන් 9,481ක් පමණක් බවත් නියෝජ්‍ය අධ්‍යක්‍ෂ ජනරාල්වරයා සඳහන් කළේය.

දැඩි සත්කාර හා අධි සත්කාර ඒකකවල ප්‍රතිකාර ලබන රෝගීන් සංඛ්‍යාව ද මේ වන විට 94ක් දක්වා අඩුවී ඇතැයි විශේෂඥ වෛද්‍යවරයා කීවේය.

හේමන්ත හේරත් මහතා මේ බව පැවසුවේ සෞඛ්‍ය ප්‍රවර්ධන කාර්යාංශයේ දී අද (8) පැවති මාධ්‍ය හමුවක් අමතමිනි.

කොවිඩ් රෝගීන් 772 දෙනකු ඊයේ (7) වාර්තා වූයේ පී.සී.ආර් පරීක්‍ෂණ 6,282ක් සහ රැපිඩ් ඇන්ටිජන් පරීක්‍ෂණ 3,696කින් බව කී හේරත් මහතා මෙය ඉතා යහපත් තත්වයක් බව ද පැවසීය.

අදහස් (5)

කෝවීඩ් රෝගීන්ගේ පැහැදිලි අඩුවක්

මහසෙන් Friday, 08 October 2021 06:35 PM

කාලෙකට පස්සේ ඇන්‍ටිජන් පරීක්ෂණ ගාණත් කියලා බොලේ. ඇත්තටම අඩුවෙලා. බය වෙන්න දෙයක් නෑ. අපි නිදහස්...

: 8 2

මසිරිපාල Friday, 08 October 2021 06:47 PM

ඔබතුමා ඔහොම කිව්වට නුදුරේදීම නැවතත් පොකුරු මතුවෙන්න පුළුවන්... එහෙම කියන්නේ බොහෝ පිරිස් විශේෂයෙන් තරුණයෝ කිසිම ප්‍රවේශමක් නැතුව සංචරණය කරනවා දැනටමත් මස්කෙළියේ පොකුරු මතුවෙලාලු නේද?

: 0 7

විපරමා Saturday, 09 October 2021 01:09 AM

කවුරු කවුරුත් ඔහොම කියයි. මේ යන විදියට ආයේ කොරෝනා පොකුරු ඇති වෙයිද කියලා කවුද දන්නෙ ?

: 0 0

Sriland Saturday, 09 October 2021 03:50 AM

බොරුව හැමදාම වවන් කන්න බෑ. කොරෝනා කියන්නේ තනිකරම බොරුවක්..

: 0 0

Demuni Uduwara Saturday, 09 October 2021 05:49 AM

නියෝජ්‍ය ඩී/ජෙනරාල් මහතා, කෝවිඩ් සම්බන්ධතා වල පැහැදිලි අඩුවීමක් ඇතැයි ඔබ කියන්නේ කෙසේද? අද දින ඔබ අපට 744 ක් වාර්තා වී ඇති අතර අද දින වාර්තා 1387 ක් වාර්තා කර ඇති අතර මේ වන විට රෝගීන් 524,937 ක් වාර්තා වී තිබේ. කරුණාකර විෂමතාවය පැහැදිලි කරන්න.

: 0 0