නාවික හමුදා නිලධාරීන් සහ වෙරළබඩ මුර යාත්‍රාවකට අනුයුක්ත නාවිකයින් පිරිසක් විසින් අද (29) මන්නාරම දකුණු මුහුදු තීරයේ කළ සෝදිසි මෙහෙයුමකදී මුහුදේ පාවෙමින් තිබූ බීඩී කොළ කිලෝග්‍රෑම් 1456.1 ක ප්‍රමාණයක් සොයා ගෙන ඇත.
 
මෙම බීඩී කොළ තොගය පාර්සල් 33 ක බහා තිබී ඇත.
 
නීති විරෝධී අන්දමින් මෙරටට රැගෙන ඒම සඳහා මෙම බීඩිකොළ මුහුදේ පා කිරීමට කටයුතු කර ඇතැයි සැක  කරන අතර ඉදිරි පරික්ෂණ කටයුතු සඳහා යාපනය, රේගු කාර්යාලය වෙත භාර දීමට නියමිතය. 
 
ඒ අනුව, මෙම වර්ෂයේදී පමණක් නීති විරෝධී ලෙස බිඩී කොළ මෙරටට රැගෙන ඒමට උත්සහ කරන ලද අවස්ථාව 08 කදී පුද්ගලයින් 09 දෙනෙකු අත්අඩංගුවට ගෙන ඇති අතර,  බීඩී කොළ කිලෝග්‍රෑම් 8000 කට අධික ප්‍රමාණයක් නාවික හමුදා අත්අඩංගුවට ගැනීමට කටයුතු කර ඇත. 

(ඡායාරූප - නාවික හමුදා මාධ්‍ය අංශය)