IMG-LOGO

2025 ජුලි මස 19 වන සෙනසුරාදා


කිලෝමීටර් 211යි - පාලම් 3යි වියදම කෝටි 183 යි

(අජිත්ලාල් ශාන්තඋදය)

දිස්ත‍්‍රික් සංවර්ධන වැඩසටහන් යටතේ මධ්‍යම රජය විසින් 2019 වර්ෂය තුළ  රත්නපුර දිස්ත‍්‍රික්කයට ලැබුණු මුදලින් 66%ක් දිස්ත‍්‍රික්කයේ මාර්ග සංවර්ධනය සඳහා යොදවා ඇති බව දිස්ත‍්‍රික් අධ්‍යක්‍ෂ (ක‍්‍රමසම්පාදන) ඩබ්.පී. සමන්තිලක මහතා රත්නපුර දිස්ත‍්‍රික් සංවර්ධන කමිටුවට දැනුම් දුන්නේය.

රත්නපුර දිස්ත‍්‍රික් පාර්ලිමේන්තු මන්ත‍්‍රී දුනේෂ් ගන්කන්ද මහතාගේ සභාපතිත්වයෙන් පසුගියදා රත්නපුර දිස්ත‍්‍රික් ලේකම් කාර්යාල සංකීර්ණ ශ‍්‍රවනාගාරයේ දී මෙම රැස්වීම පැවැත්විණි.

එහි ලේකම්ධුරය දරන්නේ රත්නපුර දිස්ත‍්‍රික් ලේකම් මාලනී ලොකුපෝතාගම මහත්මියයි.

එහිදී රත්නපුර දිස්ත‍්‍රික් සංවර්ධන වැඩසටහන්වල ප‍්‍රගතිය පැහැදිලි කරමින් අදහස් දැක්වූ දිස්ත‍්‍රික් අධ්‍යක්‍ෂ (ක‍්‍රමසම්පාදන) ඩබ්.පී. සමන්තිලක මහතා මෙසේ කීය.

2019 වසර තුළ රත්නපුර දිස්ත‍්‍රික් ලේකම් කාර්යාලය හරහා ලැබුණු ප‍්‍රතිපාදන වලින් රුපියල් මිලියන 1838ක් වැයකර මාර්ග කිලෝමීටර් 211ක් ද පාලම් 3ක් ද සංවර්ධනය කළ බවත් ජීවනෝපාය සංවර්ධනයට මිලියන 110ක් වැයකළ බවත් එය ප‍්‍රතිශතයක් ලෙස 3.9%ක් බවත් ඔහු පැවසීය.

පාසල් දරුවන්ට ගොඩනැගිලි 52ක් සහ ක‍්‍රීඩාපිටි ඇතුළු අධ්‍යාපන භෞතික සම්පත් වෙනුවෙන් රුපියල් මිලියන 105ක් වැයකළ බවද දිස්ත‍්‍රික් අධ්‍යක්‍ෂ (ක‍්‍රමසම්පාදන) ඩබ්.පී. සමන්තිලක මහතා සඳහන් කළේය.

මිලියන 14ක් වැයකර සුලූවාරිමාර්ග 45ක් සංවර්ධනය කළ අතර එය 0.4%ක ප‍්‍රතිශතයක් බව ද ඔහු කීය.

මීට අමතරව විහාරස්ථාන 341ක්, කෝවිල් 159ක් මුස්ලිම් පල්ලි 31ක් සඳහා රුපියල් මිලියන 290ක් වැය කළ බවද සඳහන් කළේය.

මීට අමතරව රත්නපුර දිස්ත‍්‍රික්කයේ විදුලිය නොමැති නිවාස 645කට අලූතින් විදුලිය ලබාදන් බවද දිස්ත‍්‍රික් අධ්‍යක්‍ෂ (ක‍්‍රමසම්පාදන) ඩබ්.පී. සමන්තිලක මහතා රත්නපුර දිස්ත‍්‍රික් සංවර්ධන කමිටුවට දැනුම් දුන්නේය.



අදහස් (4)

කිලෝමීටර් 211යි - පාලම් 3යි වියදම කෝටි 183 යි

damith Monday, 10 February 2020 06:22 AM

අපේ අහේතුවට තමයි හැමදාම අච්චර, මෙච්චර වියදම් පාරවල්වලට, ගොඩනැගිලිවලට වියදම් කරා කීවට, එක සතයක්වත් කර්මාන්තයක් ඇති කරන්න, දියුණු කරන්න වියදම් කරා කියලා අහන්න නැත්තේ... ඉතින් ණය උගුලට අහුවෙන එක අහන්නත් දෙයක්ද?

:       1       113

Amula Monday, 10 February 2020 12:27 PM

අලුත් දෙයක් කරන්න අලුත් ඔලුවක් තියෙන කෙනෙක් එන්න ඕනේ. නැතිනම් මේ රටේ හැමදාම මෙහෙම තමයි.

:       0       1

පොඩි ළමයා Monday, 10 February 2020 01:08 PM

වැඩිම වියදම රුපියල් මිලියන 341 (ප්‍රතිශතය සදහන් නැත) ආගමික ස්තාන සදහා......

:       0       1

Don Monday, 10 February 2020 01:49 PM

රත්නපුරේ දියුණු කරපු අයට නොබෙල් ත්‍යාගය දෙන්න ඕනෑ.

:       0       1

ඔබේ අදහස් එවන්න

 

 
 

මේවාටත් කැමතිවනු ඇති

අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්. 2025 ජුලි මස 15 392 0
අවැසි පවුල්වල දරුවන්ගේ ජීවිත රැක දෙන නොමිලේ සිදු කරන හෘද සැත්කම්.

ඔබේ දරුවාට සංජානනය වන හෘද දෝෂයක් (CHD) තිබේ නම් සහ ඔබට ප්‍රතිකාර සඳහා මුදල් වැය කිරීමට නොහැකි නම්, අපි ඔබේ දරුවා වෙනුවෙන් ඒ මහැඟි සත්කාරය ඉටු කර දීමට කැප වී

පාසල් දරුවන්ට හිස්වැසුම් බෙදා දීම 2025 ජුලි මස 14 550 0
පාසල් දරුවන්ට හිස්වැසුම් බෙදා දීම

ශ්‍රී ලංකාවේ පැරණිතම සහ විශාලතම මෝටර් රථ සංවිධානය වන ලංකා ඔටෝමොබයිල් සංගමය (AAC), ’’මෝටර් රථ හිමියන්ගේ හඬ’’ සහ ’’මෝටර් රථ හවුල්කරු’’ ලෙස ප්‍රසිද්ධය. රට තු

සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය 2025 ජුලි මස 14 230 0
සියපත ෆිනෑන්ස් 54 වැනි ශාඛාව ඓතිහාසික කඩුවෙල පුරවරය

ශ්‍රී ලංකාවේ ප්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී සිය දීප ව්‍යාප්ත ශාඛා ජාලයේ 54 වැනි ශාඛාව පසුගියදා කඩුවෙල නගරයේදී විවෘත කෙරිණ.

Our Group Site