(නිමන්ති රණසිංහ)

කොටහේන ප‍්‍රදේශයේ පුද්ගලයින් 11 දෙනෙකු අතුරුදන් කළැයි කියන සිද්ධියට අදාළව හිටපු නාවික හමුදාපති අද්මිරාල් ඔෆ් ද ෆීල්ඩ් වසන්ත කරන්නාගොඩ මහතාට ලබන 23 වැනිදා අධිකරණයේ පෙනී සිටීමට නොතිසියක් නිකුත් කරන ලෙසට අපරාධ පරීක්ෂණ දෙපාර්තමේන්තුව අධිකරණයෙන් කළ ඉල්ලීමක් කොළඹ කොටුව මහේස්ත්‍රාත් රංග දිසානායක මහතා අද (15) ප‍්‍රතික්ෂේප කළේය.

මෙම සිද්ධියට අදාළව වසන්ත කරන්නාගොඩ මහතා වෙත නොතීසියක් නිකුත් කිරීමට අධිකරණයෙන් ඉල්ලීමක් කරන ලෙසට නීතිපතිවරයා තමන් වෙත උපදෙස් ලබා දුන් බැවින් මෙම ඉල්ලීම සිදුකළ බව මෙහිදී අපරාධ පරීක්ෂණ දෙපාර්තමේන්තුව අධිකරණයට කරුණු ඉදිරිපත් කරමින් පැවසීය.

මෙම තැනැත්තා වෙත නොතීසියක් නිකුත් කිරීමට නම් අපරාධ නඩු විධාන සංග‍්‍රහ පනතේ කුමන වගන්තියක් ප‍්‍රකාරව සිදුකළ යුතු දැයි යන්න නීතිපති නියෝජනයක් අධිකරණය හමුවේ පෙනී සිටිමින් කරුණු ඉදිරිපත් කළ යුතු බැවින් එය ඔවුන් වෙත දැනුම් දෙන ලෙසට මහේස්ත්‍රාත්වරයා අපරාධ පරීක්ෂණ දෙපාර්තමේන්තුවට දැනුම් දෙමින් එම ඉල්ලීම ප‍්‍රතික්ෂේප කළේය.