2025 ජුලි මස 11 වන සිකුරාදා
2025 ජුලි මස 11 වන සිකුරාදා
(මැදගම රම්‍යලතා පද්මකුමාරි සහ ලුණුගල ප්‍රසන්න පද්මසිරි)
කැලණිය විශ්වවිද්‍යාලයේ පුරාවිද්‍යා පශ්චාත් උපාධි ආයතනයේ පුරාවිද්‍යාව පිළිබඳ ජ්‍යෙෂ්ඨ මහාචාර්ය රාජ් සෝමදේව මහතා ඇතුළු පුරාවිද්‍යා ගවේෂණ කණ්ඩායමක් කළ ගවේෂණයකදී කුමන වනාන්තරයේ පිහිටි ඓතිහාසික පුරාවිද්‍යාත්මක වටිනාකමකින් යුත් ‘‘බුදු පටුන්ගල’’ නමැති ස්ථානය සොයාගෙන තිබේ.
මොනරාගල දිස්ත්‍රික්කයට අයත් කුමන රක්‍ෂිත වනාන්තරයේ පිහිටි එම ස්ථානයේදී විශාල ගල්පර්වතයක නෙළා ඇති සිටි ඉරියව්වෙන් වැඩ සිටින ශෛලමය බුද්ධ ප්‍රතිමාවක් සහ ඊට දෙපසින් පිහිටි අවලෝකිතේෂ්වර සහ මෛත්‍රී බෝධිසත්වයන්ගේ ප්‍රතිමා සොයාගෙන තිබේ.
ඇතිමලේ ප්‍රදේශයේ සිට කිලෝ මීටර් 15 ක් පමණ දුරකින් කුමන රක්‍ෂිත වනාන්තරය මැද බුදුපටුන්ගල නමැති ස්ථානය පිහිටා ඇති අතර එම ප්‍රතිමාවන් ක්‍රිස්තු වර්ෂ හත්වන සියවසට හෝ අටවන සියවසට අයත්වන බවත් මහාචාර්ය රාජ් සෝමදේව මහතා පැවසීය.
බුදුපටුන්ගල නමැති ස්ථානයේ ඇති මෙම ප්‍රතිමා රුහුණ ප්‍රදේශයට ආවේණික සම්ප්‍රදායක් පෙන්නුම් කරන බවද ඔහු කීය.
අඩි හයක හතක පමණ ප්‍රමාණයකින් යුත් මෙම ප්‍රතිමා දෙකක කොටස් කීපයක් කැඩී ගොස් ඇති බවද මහාචාර්යවරයා කීය.
ප්‍රදේශවාසීන් පිරිසක් විසින් මෙම ස්ථානය මුල්වරට දැක සිදුකරන ලද දැනුම්දීමකින් පසු රුහුණේ ඉතිහාසය පිළිබඳ නව අයුරකින් සොයා බැලීමේ අරමුණින් මහාචාර්ය රාජ් සෝමදේව මහතා ඇතුළු කණ්ඩායම මොනරාගල දිස්ත්‍රික්කය පුරා පුළුල් පරිමාණයේ පුරාවිද්‍යාත්මක ගවේෂණයක් සිදුකරමින් තිබේ.
(ඡායාරූප - බිබිල විශේෂ කේෂර ගුණතිලක)
2025 ජුලි මස 04
233
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
757
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1175
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
කුමන වනයේ ගවේෂණයකදී බුදු පටුන්ගල පුරාවිද්‍යා උරුමය හමුවෙයි
Mohan Tuesday, 01 September 2020 10:51 AM
හරිම වැදගත් සහ ගොඩක් ලොකු රාජකාරියක්... ඔබ මතු පරම්පරාවට අපගේ ඉතිහාසය දායක කොට ඇත.
dhamneth Tuesday, 01 September 2020 11:27 AM
අපේ හාමුදුරුවරු මේ සිද්ධස්ථාන අතහැර ගියේ මන්ද කියා සොයාබැලිය යුතුයි. මේ ප්‍රදේශවලට විදේශ බලපෑම් තිබුණේ නැහැ...
sugath Tuesday, 01 September 2020 11:55 AM
මේ පිළිමවල හිස ප්‍රදේශය කඩා ඇති බවක් පෙනෙනවා. මෙය බොහෝවිට පුරාවිද්‍යා වස්තු සොරකම් කරන්නන්ගේ වැඩක් විය හැකිය.
BinkunndaaTuesday, 01 September 2020 05:46 PM
මහායාන, හීනයාන අරගලවල ප්‍රතිඵල තමයි සොලී ආක්‍රමණ නැති ප්‍රදේශවල වෙහෙර විහාර කඩා බිඳ දමා තිබෙන්නේ..
මාලක සෙනෙවිරත්න Tuesday, 01 September 2020 12:15 PM
බුදුපටුන්ගල රාජසෝමදේව සොයාගත්ත තැනක් නෙමෙයි. මේ තැන ගැන පළ වූ විවිධ පුවත්පත් ලිපි තියෙනවා. මේක පිහිටලා තියෙන තැන නිසා පුරාවිද්‍යා දෙපාර්තමේන්තුව මේක ගැන හරිහැටි කැණීම්කරලා සොයලා බලලා නෑ. ඉතින් මේක ගැන නිසි අධ්‍යයනයක් කෙරෙන එක වැදගත්. හැබැයි මේ වගේ බොරු කිව්වාම ඒ ගැනත් මිනිස්සුන්ගේ විශ්වාසය බිඳෙනවා...
anura Tuesday, 01 September 2020 02:56 PM
මේ ස්ථානය ප්‍රදේශවාසීන් විසින් මුල් වරට දුටුවානම්, එය රාජ් සෝමදේවයන්ගේ සොයා ගැනීමක් වන්නේ කෙසේද?
rasika Tuesday, 01 September 2020 02:56 PM
බෙකර්, වුල්ෆ්ලාට කළින් අපේ මිනිස්සු ස්ථාන හඳුනාගෙන තිබ්බා...
කපිල Tuesday, 01 September 2020 03:41 PM
සජිත්ගෙන් ඇහුවා නම් යමක් දැනගන්න පුළුවන්...
wije Tuesday, 01 September 2020 04:06 PM
කපිල ඇයි සජිත්ගෙන් විතරක් අහන්නේ...? නාමල්ගෙනුත් පොඩ්ඩක් අහලා බලන්න. මොකද අපි නම් මේ දෙන්නා ගැනම හොඳට දන්නවා.
vipulaWednesday, 02 September 2020 03:08 AM
ඔයා හොඳට දන්නවා නම් අතන මෙතන කිය කියා ඉන්නේ නැතිව නඩුවක් දාන්නකෝ...
Nuwan Tuesday, 01 September 2020 06:04 PM
ජයරත්න පතිරආරච්චි මහතා 1998දී මේවා සෙල්ලිපියේ පිටපතක් සමගම එළිකළා. පුරාවිද්‍යා එවුන් නිදි...