(ඩයනා උදයංගනී)
ජාත්යන්තර තරඟකාරී ප්රසම්පාදන ක්රමවේදය අනුගමනය කරමින් කාබනික පොහොර හා ස්වභාවික ඛනිජ ආනයනය කිරීමට අමාත්ය මණ්ඩල අනුමැතිය හිමිව ඇත.
මහ කන්නයේදී වී වගා හෙක්ටයාර ලක්ෂ 5කට අවශ්ය කාබනික පොහොර රජයට අයත් පොහොර සමාගම් මගින් ආනයනය කර ගොවිජන සේවා දෙපාර්තමේන්තුව හරහා ගොවීන්ට බෙදාදීමටත්, අනෙකුත් බෝග හෙක්ටයාර ලක්ෂ 6කට මෙන්ම ආහාර නොවන විසිතුරු පැලෑටි, කැපුම් මල් වගාව හා නිර්පාංශු වගාවට අවශ්ය කාබනික පොහොර අදාළ පර්යේෂණ ආයතනවල නිර්දේශ අනුව ආනයනය කර බලපත්ර ක්රමවේදයක් යටතේ ගොවීන්ට බෙදාදීමටත් මෙහිදී අනුමැතිය හිමිව තිබේ.
මීට අමතරව මහ කන්නයේදී හෙක්ටයාර 2,24,000කට අවශ්ය කාබනික පොහොර දේශීය නිෂ්පාදකයින් හරහා සපයා ගැනීමට ද අමාත්ය මණ්ඩලය තීරණය කර ඇත.
සම කැබිනට් ප්රකාශක, ජනමාධ්ය ඇමති කෙහෙලිය රඹුක්වැල්ල මහතා පැවසුවේ ආනයනය කරනු ලබන පොහොරවල ගුණාත්මකභාවය සම්බන්ධයෙන් පර්යේෂණ ආයතන තුනක් හරහා සොයා බැලෙන බවය. සෞඛ්ය ගැටලු රැසකට හේතු වී ඇති රසායනික පොහොර ආනයනය තහනම් කර කාබනික පොහොර ප්රවර්ධනය කිරීමේ වැඩපිළිවෙල යටතේ මෙම තීරණ ගත් බව ද ඇමතිවරයා කීවේය.
COMMENTS
චීනයේ එකතුවෙන ඇති විශාල අපද්රව්ය ආනයනය කර ඒවා අපේ රටේදී කාබනික පොහොර ලෙසට නිෂ්පාදනය කිරීමේ උත්සාහයක් තියෙනවා කියලා වාර්තාවක් මම දැක්කා.
අමන වැඩක් ...!!!
ආනයනය තමයි අපේ ජාතික ක්රීඩාව.. අපි ඒකෙන් ලෝක පූජිත ලෝක ශූරයෝ... පිටරටවලින් එන කාබනික පොහොරවල තිබිය හැකි විෂබිජ, බැක්ටීරියා, වෙනත් වල්පැළ, ඇටවර්ග ගැන දැනගැනීමක් නැතිව කරන සංදර්ශන තමයි.
මේවත් එක්ක පොළවට ලෙඩ එන්න බැරිද? අපේ රටේ හැම බිම් අඟලකම පොහොර තියෙනවා. ඒවා වඩාත් දියුණු කරන්න බැරිද?. ලංකාවෙන් පොහොර පිට රට යවන කොට ඒ රටවලින් බලන ප්රමිතිය අපේ රටට ගෙන්වනකොට බලනවද? ඊස්රායලයෙන් ඉගෙන ගන්න පාඩමක් නැතිද?.
මේක ඉතා භයානක වැඩක්... මේවල ප්රමිතිය කොහොමද සොයා බලන්නේ...?
මේ චීන අසූචි යූරියා මිශ්ර කරලා මෙහාට ගෙන්වන තවත් අමන වැඩක්.. මේ ගෙන්වන ආයතනයේ ඉන්න කට්ටිය ගැන දන්නවා නම් ඒක තේරේවි.
කටින් බතල හිටවනවා කියන්නේ මේකට තමයි. ඔහොම පෙන්නන්නේ නැතුව කෙලින්ම කුඹුරට ගිහිල්ලා ඒ කාබනික පෝර භාවිතා කරනවා පෙන්නුවා නම් නේද හොඳ...? අක්කරයක් කරලත් පොහොර තුන් පාරක් ගැහුවේ නැත්තම් ගොයම් ගස් ටික තමයි කපන් එන්න වෙන්නේ... රසායනික පොහොර 100%ක් තහනම් කිරීම තුළ අස්වැන්න අඩුවීම ස්ථිරයි..
අන්තිමට කැරකිලා එන්නේ ඔතනට තමයි. ආනයනයට...!!! පිටරට මොන ජරාවක් ඒවිද කවුද දන්නේ..? අනේ රට පත්වූ ඉරණමක්..