(තරිඳු ජයවර්ධන සහ බිඟුන් මේනක ගමගේ)
කතරගම පොලිස් ස්ථානාධිපති ප්රධාන පොලිස් පරීක්ෂක එස් කේ උපාලි මහතා සාමාන්ය රාජකාරි සඳහා යොදවන්නැයි පොලිස් කොමිසමෙන් දුන් නියෝගය නොතකා ඔහු පූගොඩ පොලිස් ස්ථානාධිපති ලෙස පත් කිරීමට නිකුත් කළ පොලිස් පණිවුඩය වහාම අවලංගු කර ඒ මහතා ගම්පහ පොලිස් කොට්ඨාසයේ සාමාන්ය රාජකාරි සඳහා අනියුක්ත ජාතික පොලිස් කොමිසම අද (11) නියෝග කළේය.
ජාතික පොලිස් කොමිෂන් සභාව පසුගිය බ්රහස්පතින්දා රැස්වූ අවස්ථාවේ දී කතරගම පොලිස් ස්ථානාධිපතිවරයාට එරෙහිව ලැබී ඇති පැමිණිලි සැලකිල්ලට ගෙන ඔහු එම ධුරයෙන් ඉවත් කර සාමාන්ය රාජකාරි සඳහා යොදවන ලෙස නියෝග කළේය.
කෙසේ වෙතත් අඟහරුවාදා (09) ඊට අදාල පොලිස් පණිවුඩය නිකුත් කර තිබුණු අතර එහි සඳහන් වුණේ කතරගම පොලිස් ස්ථානාධිපතිවරයා පොලිස් කොමිසමේ අනුමැතිය යටතේ වාහම ක්රියාත්මක වන පිරිදි පූගොඩ පොලිස් ස්ථානාධිපති ලෙස පත් කරන බවයි.
කතරගම පොලිස් ස්ථානාධිපති සාමාන්ය රාජකාරි සඳහා අනියුක්තර කරන ලෙස තීන්දුවක් ගෙන තිබිය දී ඔහු පූගොඩ පොලිස් ස්ථානාධිපති ලෙස පත් කළේ කෙසේදැයි ජාතික පොලිස් කොමිෂන් සභාව අද (11) රැස්වූ අවස්ථාවේ කොමිසමේ සාමාජිකයන් දීර්ඝ ලෙස ප්රශ්න කළ බව එහි ආරංචි මාර්ග කියයි.
ඒ අනුව පොලිස් ස්ථානාධිපතිවරයා පූගොඩ පොලිස් ස්ථානාධිපති ලෙස පත් කරමින් නිකුත් කළ පොලිස් පණිවුඩය අහෝසි කරන ලෙස නියෝග කළ පොලිස් කොමිසම ප්රධාන පොලිස් පරීක්ෂකවරයා වහාම ගම්පහ පොලිස් කොට්ඨාසයේ සාමාන්ය රාජකාරි සඳහා අනියුක්ත කරන ලෙස දැනුම් දුන්නේය.
එම නියෝගය අනුව ප්රධාන පොලිස් පරීක්ෂකවරයා ගම්පහ පොලිස් කොට්ඨාසයේ සාමාන්ය රාජකාරි සඳහා අනියුක්ත කරන ලෙස ජාතික පොලිස් කොමිෂන් සභාවේ ලේකම්වරයා පොලිස්පතිවරයාට ලිඛිතව දැනුම් දුන් බව කොමිසමේ ආරංචි මාර්ග කියයි.
පොලිස් කොමිසම පසුගිය බ්රහස්පතින්දා ගත් තීන්දුව වෙනස් කරමින් ඔහු පූගොඩ පොලිස් ස්ථානාධිපති ලෙස පත් කරනු ලැබුවේ ඉහළ දේශපාලනඥයකුගේ උපදෙස් මත ද යන්න සැක සහිත බව උසස් පොලිස් නිලධාරියෙක් ලංකාදීපයට පැවසීය.
රම්බොඩ ගැරඩි ඇල්ල ප්රදේශයේදි ප්රපාතයකට පෙරලුණු බස් රථය අද පස්වරුවේ ගොඩගෙන ඉදිරි පරික්ෂණ කටයුතු සදහා කොත්මලේ පොලිසිය වෙත රැගෙන යනු ලැබීය.
කොස්ලන්ද මීරියබැද්ද ප්රදේශයේ පුද්ගලයෙකු නිවසේ දී ගින්නකට හසු වී අද (11) ජීවිතක්ෂයට පත්වී ඇති බව කොස්ලන්ද පොලීසිය පැවසීය.
කොත්මලේ බස් අනතුරින් තුවාල ලැබූවන් සුවපත් කර ගැනීම සඳහා හැකි උපරිමයෙන් දායකත්වය ලබා දෙන්නැයි ජනාධිපති අනුර කුමාර දිසානායක මහතා ප්රදේශයේ රෝහල් වලටත
වෙසක් පුර පසළොස්වක පෝය දිනය නිමිත්තෙන් බන්ධනාගාර ගත රැඳවියන්ට විවෘතව අමුත්තන් බැලීම සඳහා (OPEN VISIT) මැයි මස 12 හා 13 විශේෂ අවස්ථාවක් ලබාදීමට බන්ධනාගාර දෙ
2025 රාජ්ය වෙසක් මහෝත්සවය වෙනුවෙන් සිද්ධස්ථාන දෙකක් පූජා භූමි ලෙස ප්රකාශයට පත් කර තිබේ.
රාජ්ය වෙසක් දින උත්සව සැමරුම සඳහා සිංහල, දෙමළ සහ මුස්ලිම් සියලු ජනතාව එකාවන්ව සහභාගී වී සිටීම විශේෂත්වයක් විය.
ශ්රී ලංකාවේ විශිෂ්ටතම මට්ටමේ ජාත්යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්
රටක් දියුණු වීමට නම්, ජනතාව තුළ නිවැරදි මුල්ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක්ර
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්ය ප
කතරගම ස්ථානාධිපති පූගොඩට දැමීමේ පොලිස් පණිවුඩය කොමිසමෙන් අවලංගු කරයි
prabha Thursday, 11 October 2018 09:07 PM
රටම එකම විහිළුවක්
රවින් Friday, 12 October 2018 02:48 AM
හාපෝ ඕනෑම දෙයක් පිට කණපිට පෙරලුනානම් එතන දේශපාලුවෙක්.
KANDEPOLA Friday, 12 October 2018 04:23 AM
ඔන්න රටේ තත්ත්වේ. මේ වගේ පිස්සු ඉහළ නිලධාරීන් හා හිතුවක්කාර දේශපාලනඥයින් ඉන්න රටකට ස්වාධීන කොමිෂන් සභා වලින් පලක් තියෙනවද ?
Mahee Friday, 12 October 2018 04:46 AM
දේශපාලනේ ලොක්කාගේ අනුග්රහය යටතේ නටන පොලිස් ලොක්කා කොමිසම සත පහකටවත් ගණන් නොගනී. අහෝ රටකට ගිය කල. අහෝ නීතියකට ගිය කල!!!