කතක් බිය කර ලක්ෂ හතක් කඩා ගන්න ගිය දෙකක් මාට්ටු

(ඉන්දිකා රාමනායක)

වැල්ලවත්තේ පදිංචි තරුණියකගේ අසභ්‍ය දර්ශන අන්තර්ජාලයට මුදාහරින බවට පවසා ඇයගෙන් රුපියල් ලක්ෂ 7 කප්පම් මුදලක් ලබා ගැනීමට තැත් කළ පුද්ගලයන් දෙදෙනෙක් කොම්පඤ්ඤවීදිය යූනියන් පෙදෙසේ දී කොළඹ ළමා හා කාන්තා කාර්යාංශය විසින් අත්අඩංගුවට ගනු ලැබූහ.

තිස්තුන් හැවිරිදි මෙම තරුණිය එංගලන්තයේ ස්ථිර පදිංචි යාපනය පුද්ගලයකු සමග වසර 2 ක කාලයක් පුරා අන්තර්ජාලය සමග සම්බන්ධතා පවත්වා ඇති බවත්. ,එසේ කතා කරමින් සිටින අවස්ථාවේදී එම සැකකරු කාන්තාවගේ විවිධ ඉරියව්වලින් අසභ්‍ය දර්ශන ලබාගෙන ඇති බව පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

එංගලන්තයේ පදිංචි පුද්ගලයා සහ මෙම කාන්තාව විරසක වීම හේතුවෙන් ඔවුහු ඡායාරූප අන්තර්ජාලයට මුදාහරින බවට කාන්තාවට තර්ජනය කරමින් ඒ වෙනුවෙන් රුපියල් ලක්ෂ 17කප්පම් මුදලක් ඉල්ලා ඇති බවද හෙතෙම කීය.

මෙම කාන්තාව සිද්ධිය සම්බන්ධයෙන් කොළඹ ළමා හා කාන්තා කාර්යාංශයට පැමිණිල්ලක් කර තිබිණි.

මෙම මුදලින් මූලික ගෙවීම වශයෙන් රුපියල් ලක්ෂ 7ක් මුදලක් ලබා දීමට කාන්තාව එකඟ වී ඇති අතර එංගලන්තයේ පදිංචි සැකකරුගේ නියෝජිතයන් දෙදෙනකු එම මුදල ලබා ගැනීම සඳහා කොම්පඤ්ඤවීදිය  යුනියන් පෙදෙසට පැමිණ සිටියදී ළමා හා කාන්තා කාර්යාංශය ඔවුන් දෙදෙනා අත්අඩංගුවට ගත්තේය.