(ඩයනා උදයංගනී)
කුඩා විදුලි බලාගාර මගින් ජාතික විදුලිබල පද්ධතියට මෙගාවෙට් 440ක ධාරිතාවයක් එක්කිරීමට සැලසුම් කර ඇතැයි සූර්ය බල සුලං හා ජල විදුලි ජනන ව්යාපෘති සංවර්ධන රාජ්ය අමාත්ය දුමින්ද දිසානායක මහතා පැවසීය.
මෙගාවොට් 10 හා ඊට අඩු විදුලි ව්යාපෘති කඩිනමින් ක්රියාත්මක කිරීමේ ක්රමවේදයක් මෙන්ම උත්පාදිත විදුලිය මිලදී ගැනීමට සම්මත අය ක්රමයක් ඇති කිරීමට, ප්රමුඛතාව මත මධ්යම ජාලයට විදුලිය ලබාදීමටත් අවශ්ය මාර්ගෝපදේශ ඇතුළත් ගැසට් පත්රයක් ද නිකුත් කර ඇතැයි රාජ්ය ඇමතිවරයා සඳහන් කළේය.
ශ්රී ලංකාවේ බලශක්ති ක්ෂේත්රය ආරම්භයේ සිට මේ දක්වා ඉන්ධන මත රදා පැවතීම හේතුවෙන් මේ වන විට විදුලි බල අර්බුදයක් දක්වා වර්ධනය වී ඇතැයි කී දුමින්ද දිසානායක මහතා පුනර්ජනනීය බලශක්ති ප්රභවයන් වෙත ගමන්කිරීම අත්යාවශ්ය කාරණයක් වී ඇතැයි ද කීවේය.
COMMENTS
ආ... ඔය එන්නේ කරපුවා එළියට... වැඩි මුදලට හෙංචයියන්ගේ කුඩා බලාගාර වලින් විදුලිය ගන්න ලස්සනට වැඩේ කරගෙන ගියා. අර විසන්ධිමුත්තා ඒ කාලේ පාවෙන බලාගාරවලින් විදුලිය ගන්න ගේමක් ගැහුවා වගේ ඔක්කොම හොරු..
අපිත් කැමතියි සූර්ය බලශක්තිය ලබාගන්න. නමුත් මිල ඇහුවම කිව්වේ පැනල් අටකට ලක්ෂ 6ක් පමණ වැයවේවි කියලා... ඔවුන් කිව්වේ නැහැ පැනල් දෙකක් වගේ කොපමණ මිලද කියලා. මේවා ගැන දැනුවත් කරලා ආධාරයක් දෙනවා නම් අපිත් සතුටින් සවිකර ගන්නවා. දැනට ප්රශ්නේ අපට මුදල් නැතිකම තමයි. ඒ ගමන්ම අලුතින් හදන නිවාස සඳහා සූර්ය බලශක්තිය අනිවාර්ය කළොත් සාර්ථක ප්රතිඵලයක් ගන්න හැකිවේවි...!!!
ලංකාවේ කිසිම ආවරණයක් නැතුව කෙලින්ම හිරු එළියට විවෘත අධිවේගී මාර්ග හා රජයේ ගොඩනැගිලි මතින් විශාල ලෙසට සූර්ය බලශක්තියක් උපයාගත හැකිය. මාර්ග සංවර්ධන අධිකාරියට ඉන් ආදායමක්ද ලද හැකියි. පාසල් ගොඩනැගිලි හා රාජ්ය ආයතනවල වහල හරහා කොපමණ විදුලි කෝෂ සවිකර විදුලිය නිපදවීම කළ හැකිද? ඇයි මේවා ගැන අවධානයට නොගන්නේ?