(සුජිත් හේවාජුලිගේ සහ  අංජුල මහික වීරරත්න )

ශ්‍රී ලංකා පොදුජන පෙරමුණේ පත්කළ මන්ත්‍රී ජයන්ත කැටගොඩ මහතා  එම මන්ත්‍රීධූරයෙන්  ඉල්ලා අස්වීම  කතානායක මහින්ද යාපා අබේවර්ධන මහතා පාර්ලිමේන්තුවට අද(7) පෙරවරුවේ දැනුම් දුන්නේය .

ඉන් අනතුරුව  පාර්ලිමේන්තු මහලේකම් ධම්මික දසනායක මහතා  කැටගොඩ මහතා මන්ත්‍රීධූරයෙන්  ඉල්ලා  අස්වෙමින්  බාර දුන් ලිපිය සභාව හමුවේ කියවීය .

කැටගොඩ මහතා සිය ඉල්ලා අස්වීමේ ලිපිය පාර්ලිමේන්තු ලේකම්වරයාට ඊයේ (6) බාර දුන්නේය .

ජයන්ත කැටගොඩ මහතා සිය ජාතික ලැයිස්තු මන්ත්‍රීධූරයෙන් ඉල්ලා අස්වූයේ  ශ්‍රී ලංකා පොදුජන පෙරමුණේ නිර්මාතෘ සහ එහි ජාතික සංවිධායක බැසිල් රාජපක්ෂ මහතාට පාර්ලිමේන්තු මන්ත්‍රීවරයකු වශයෙන් දිවුරුම්දීමට අවස්ථාව ලබාදීම සඳහාය .

මේ අතර මන්ත්‍රී ධූරයෙන් ඉල්ලා අස්වූ කැටගොඩ මහතාට සංස්ථාවක සභාපති ධුරයක් ලබාදීමට  නියමිතව  ඇතැයි රජයේ ආරංචිමාර්ගවලින් පැවසේ .