(සුජිත් හේවාජුලිගේ සහ අංජුල මහික වීරරත්න )

ශ්‍රී ලංකා ආයුර්වේද ඖෂධ සංස්ථාව රාජ්‍ය අංශය වෙත නිෂ්පාදන වර්ග 108ක් සැපයීමට අපොහොසත් වීමෙන්  එම සංස්ථාවට  කෝටි හයකට ආසන්න ආදායමක් අහිමිවී ගොස් ඇතැයි  ජාතික විගණන කාර්යාලය පවසයි.

මෙම ආදායම අහිමිවී ගොස් ඇතැයි පැවසෙන්නේ පසුගිය 2019 වර්ෂයේදීය.

රාජ්‍ය අංශයෙන් ලැබෙන මෙම ඉල්ලුම සපුරාලීමට උත්සාහයක් නොදැරීම නිසා  නිශ්චිත වෙළෙඳපොළ කොටසක්  අත්හැරී යාමේ අවදානමක් පැවතුණු  බව එම කාර්යාලය නිකුත් කළ වාර්තාවක සඳහන්වේ.