(රවින්ද්‍ර ප්‍රභාත් නෙත්තසිංහ )

උද්ගතව ඇති ව්‍යවස්ථා අර්බුදය සම්බන්ධයෙන් එක්සත් ජාතික පක්ෂය විසින් ඉදිරි දින කීපය තුලදී ශ්‍රේෂ්ඨාධිකරණය වෙත මූලික අයිතිවාසිකම් පෙත්සමක් ඉදිරිපත් කිරීමට බලාපොරොත්තුව වන බව එම පක්ෂයේ මහලේකම් හිටපු අමාත්‍ය අකිල විරාජ් කාරියවසම් මහතා අද(20) පැවසීය.

වාරියපොල මැතිවරණ කොට්ඨාසයේ එජාපයේ නව  ප්‍රධාන කාර්යාලය විවෘත කිරීමේ අවස්ථාව ට එක්වෙමින් ඒ මහතා මේ බව කීය .

එහිදී මාධ්‍ය වෙත අදහස් දැක්වූ එජාප මහලේකම්වරයා කියා සිටියේ ආණ්ඩුක්‍රම ව්‍යවස්ථාව අනුව ජූලි 02 දිනට ප්‍රථම පාර්ලිමේන්තුව රැස්විය යුතු බවයි.

මෙම අවස්ථාවට වාරියපොල හිටපු එජාප සංවිධායක මංජුල බණ්ඩාර මහතා, හිටපු වයඹ පලාත් ආණ්ඩුකාර අමරා පියසීලි රත්නායක මහත්මිය, කුරුණෑගල දිස්ත්‍රික්කයේ එජාප ආසන සංවිධායකයින් ඇතුළු ආධාරකරුවෝ පිරිසක් එක්ව සිටියහ.