2025 ඔක්තෝබර් මස 14 වන අඟහරුවාදා
(විජේරත්න රත්නායක)
ඌව පළාතේ සියළු උපකාරක පන්ති හා පෞද්ගලික පාසල් හදිසි පරීක්ෂාවකට ලක්කර ළමුන්ගේ සනීපාරක්ෂාව සම්බන්ධයෙන් නිසිලෙස කටයුතු කර නොමැති සියළු පෞද්ගලික පාසල් හා උපකාරක පන්තිවලට මුද්‍රා තබන ලෙස ඌව පළාත් ආණ්ඩුකාරවර මෛත්‍රී ගුණරත්න මහතා පළාත් පාලන කොමසාරිස්වරයාට නියෝග කර තිබේ.
මේ වන විට පළාත තුළ සීඝ්‍රයෙන් ව්‍යාප්ත වෙමින් පවතින ඩෙංගු රෝගය පිටුදැකීම උදෙසා ආණ්ඩුකාරවරයාගේ මූලිකත්වයෙන් ගෙනයන වැඩපිළිවෙළ යටතේ මෙම තීරණය ගෙන ඇත.
ඌව පළාතේ පාසල් සිසු සිසුවියන් ගණන 2,86,414 ක් පමණ වන අතර ඉන් සියයට 90 ක් පමණ උපකාරක පන්තිවලට සහභාගී වන බවත් එසේ ළමුන් විශාල වශයෙන් එක් රොක් වන ස්ථානවල සනීපාරක්ෂක කටයුතු හා සෞඛ්‍යාරක්ෂිත බව පිළිබඳව සෑහීමකට පත්විය යුතු බැවින් වහාම ඒ සම්බන්ධව හදිසි වැටලීම් සිදුකොට පරීක්ෂා කරන ලෙසත් ආණ්ඩුකාරවරයා පළාත් පාලන කොමසාරිස්වරයාට ලිඛිතව දන්වා ඇත.
එහිදී ඌව පළාතේ පළාත් පාලන කොමසාරිස්වරයාගේ මෙහෙයවීමෙන් මහජන සෞඛ්‍ය පරීක්ෂකවරුන්ගේ හා ප්‍රජා පොලීසියේද සහයෝගයෙන් පළාතේ සියළු උපකාරක පන්ති හා පුද්ගලික පාසල් හදිසි පරීක්ෂාවකට ලක්කර එහිදී අදාළ ස්ථානවල මදුරුවන් බෝවන ස්ථාන පවතී නම් එම ආයතනයට එරෙහිව නඩු පවරන ලෙසත් උපකාරක පන්තිවල සිසුන්ට ප්‍රමාණවත් ඉඩකඩ, නිසි වාතාශ්‍රය, පන්ති තුළ හා අවට පවිත්‍රතාවය, වැසිකිළි කැසිකිළි පහසුකම් ආදී සියල්ල පරීක්ෂාවට ලක්කර කිනම් අයුරකින් හෝ ළමුන්ගේ සනීපාරක්ෂාවට හානිකර ලෙස පවත්වාගෙන යන උපකාරක පන්ති වහාම තාවකාලිකව තහනම් කරන ලෙස ඉන් දැනුම්දී ඇත.
එම වැරදි සහිත ආයතන බලධාරීන්ට එරෙහිව නීතිමය පියවර ගන්නා ලෙසත් අදාළ වැරදි නිවැරදි කර ඒ සම්බන්ධව මහජන සෞඛ්‍ය පරීක්ෂකවරුන් හරහා වාර්තාවක් ලබාගැනීමෙන් අනතුරුව පමණක් යළි එම පන්ති පවත්වාගෙන යාම සඳහා අවසර දෙන ලෙසද ආණ්ඩුකාරවරයා සිය ලිපියෙන් දන්වා තිබේ.
2025 ඔක්තෝබර් මස 08
675
0
හේමාස් සමාගම සිය නවීන තෘතීයික සත්කාර රෝහල ආරම්භ කිරීම පිළිබඳව අද දින තලවතුගොඩ දී නිවේදනය කරනු ලැබීය.
2025 ඔක්තෝබර් මස 01
854
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 නිල් ග්‍රහලෝක ත්‍යාගලාභී මොහාන් මුණසිංහ මහතා, 2025 සැප්තැම්බර් 24 වන දින මුම්බායි හි පැවති ඉහළ මට්ට
2025 සැප්තැම්බර් මස 23
367
0
ජනසතු සේවා සත් සාමාජික පාපන්දු ශූරතාවයේ ඊ ඛාණ්ඩයේ ශූරතාවය ජයග‍්‍රහණය කිරීමට ශ‍්‍රී ලංකා ඉන්ෂුවරන්ස් පාපන්දු කණ්ඩායම සමත් විය. ශ‍්‍රී ලංකා ඉන්ෂුවරන
ඌවේ සනීපාරක්ෂාව නැති උපකාරක පන්තිවලට මුද්‍රා තැබීමට නියෝග
narada Thursday, 31 October 2019 04:07 PM
මොන දේශපාලන පක්ෂේ උනත් අපි හොඳ දේට හොදයි කියනවා.
Ruhunu Thursday, 31 October 2019 05:34 PM
හොද තීරණයක්. මොකද සමහර උපකාරක පන්ති පවත්වගෙන යන්නේ ගවමඩු වගේ.
චමින්ද Friday, 01 November 2019 12:29 AM
ආණ්ඩුකාරවරයා දන්නේ නැද්ද පාසැල් ළමුන් වැඩිපුර උපකාරක පංතිවලට යන්නේ පාසැලේදී හරියට ඉගැන්වීමක් නොකරන නිසාත් සමහර පැසැල් ගුරුවරු දරුවන්ට පංති පැවැත්වීමත් ඒවාට යන්න බලකිරීමත් නිසා කියලා. ඒ අතරම සමහර උපකාරක පංතිවල ගුරුවරු හරියට අධ්‍යාපනයක්වත් නොලැබූ අයයි. උපකාරක ගුරුවරුන්ගේ අධ්‍යාපන සුදුසකම්ද පරීක්ෂා කරවන්න.
sharm warn Friday, 01 November 2019 04:03 AM
ඔව් ඔව්. සජිත් එක්ක ලේසි වෙන්නේ නැහැ. එයාට හොදටම තරහ ගිහින් මළ කෙලියක් වෙයි. පරිස්සම් වෙන්න ළමයි.
gural Friday, 01 November 2019 06:21 AM
ඉතාම හොද අදහසක්. සියලුම පළාත්වල ආණ්ඩුකාරවරු හෝ කිසියම් බලධරයෙක් විසින් හෝ ක්‍රියාත්මක කළයුතු දෙයක්. විශේෂයෙන්ම කුරුණෑගල නගරයේ.
Saman gunasekara Friday, 01 November 2019 06:59 AM
නුගේගොඩ රොටරි ශාලාවේත් මෙම නරක තත්වය ඇත. සිසුන් සංඛ්‍යාව අනුව ප්‍රමාණවත් සනීපාරක්ෂක පහසුකම් ලබා දීමට සංවිධායකයින් අපොහොසත් වී ඇත. බලධාරීන් නිහඩය.
sampath Friday, 01 November 2019 11:34 AM
පාසල්වලම උපකාරක පන්ති පටන්ගත්තොත් ඔය ප්‍රශ්නේ ඉවරයිනේ පොඩි බද්දකුත් අය කරනවා.
S.l.Amarasekara Sunday, 03 November 2019 04:18 PM
ඉතාම හොඳ වැඩක්.. අනාරක්ශිත පෙරපාසැලුත් පරීක්ෂා කරානම් හොඳයි.