උතුරු දුම්රිය මඟේ ධාවනය යළි සාමාන්‍ය අතට

දුම්රිය කියන්නේ ඇවිදින පාලමක් උතුර දකුණ යා කරන නිහඬ තොටියෙක් දුම්රියෙන් සංස්කෘතියට සහ සමාජ පැවැත්මට එල්ලවන බලපෑම ඉතා විශාලයි...

දැන් ඉතින් පීලි පනින්නේ නැතිව දුවන්න බලමු. අබල දුබල වෙච්ච දේවල් හදා ගන්න ටික කලක් ගත වේවි. ඉවසීමෙන් ඉම්මු.

තැපැල් දුම්රිය කොහොම වෙතත් යාල් දේවි කියන්නේ අපේ ප්‍රවාහන ඉතිහාසයේ සංකේතයක්. ඉස්සෙල්ලම ආවේ යාල් දේවි, උඩරට මැණිකේ සහ රුහුණු කුමාරි. කොටි යාල් දේවියට ගිනි තිබ්බේ ඇයි කියලා ඒ අයවත් දන්නේ නැතුව ඇති. ඒකෙන් වැඩියෙන්ම ප්‍රයෝජන ගත්තේ දෙමළ ජනතාව. මේක ජාතීන් දෙක අතර දුවන කෝච්චියක්. කොහොම හරි දුවන්නම ඕනෑ.