ඇමති වාසු වැඩවර්ජනයකට අතවනයි

(සුජිත් හේවාජුලිගේ සහ අංජුල මහික වීරරත්න)

රුපියල් දහසේ දෛනික දීමනාව ඇතුළු වතු කම්කරුවන්ගේ වෘත්තිය ප්‍රශ්නවලට විසඳුම් ලබා ගැනීම සඳහා වැඩ වර්ජනයකට සුදානම් වන්නැයි වතු වෘත්තීය සමිතිවලට පණිවුඩයක් යැවූ බව ජල සම්පාදන අමාත්‍ය වාසුදේව නානායක්කාර මහතා පාර්ලිමේන්තුවේදී අද (7) පැවැසීය.

ඒකාබද්ධ පුළුල් වැඩ වර්ජනයකට සූදානම් වන්නැයි ආණ්ඩු පක්ෂයේ මෙන්ම විපක්ෂයේ වෘත්තීය සමිතිවලින්ද ඉල්ලීමක් කළ බව පැවසූ නානායක්කාර මහතා වැඩ වර්ජනයක් හැර වෙනත් කිසිදු විසඳුමක් අද ඉතිරිවී නැතැයිද සඳහන් කළේය.

එය රටේ නිෂ්පාදනයට හා අපනයනයට විශාල පාඩුවක් වුවත් කිරිමට අන් දෙයක් නැතැයිද හෙතෙම පැවැසුවේය.

නානායක්කාර මහතා මෙසේ පැවසුවේ සේවක අර්ථසාධක අරමුදල් (සංශෝධන) පනත් කෙටුම්පත පිළිබඳ විවාදයේදීය.

රුපියල් දහසේ දෛනික දීමනාව දැනට ගෙවන්නේ කුඩා වතු පමණක් බවත් ලොකු කොම්පැණි එම මුදල ගෙවීම පැහැර හැර ඇති බවත් ප්‍රකාශ කළේය.

එම මුදල ගෙවීමට නොහැකි බවට ලොකු කොම්පැණිකාරයන් කරන ප්‍රකාශ ප්‍රලාපයක් බවද ඔහු කීවේය.

වතු කම්කරුවන් වෙනුවෙන් රුපියල් දහසක දෛනික වැටුපක් ලබාදීමට රජය තීරණය කළත් වතු හාම්පුතුන්ගේ සංගමය ඊට එකඟ නොවූ බව පැවසූ නානායක්කාර මහතා එම වතු සංගම් දැන් වෙන කතාවක් කියමින් සිටින බවද පැවසුවේය.

වතුකරයේ කෝලාහල ඇතිවීමට වතු පාලකයන් වගකිව යුතු බවද ඔහු පැවැසීය.

වතු සමාගම් අද හිතුවක්කාරීව වැඩ කරන බවත් රජය ඔවුනට ඒ සඳහා ඉඩ දිය යුතු නැති බවත් වාසුදේව නානායක්කාර මහතා කීවේය.

අදහස් (10)

ඇමති වාසු වැඩවර්ජනයකට අතවනයි

Lalith M Thursday, 07 October 2021 05:18 PM

ජීවිතයේ කිසිම දවසක වෘත්තීය මට්ටමේ වැඩක් නොකර දේශපාලනයෙන් බඩ ගෝස්තරේ හොයාගන්න උදවිය

: 2 30

පාල මුදලාලි Thursday, 07 October 2021 05:32 PM

මේකනම් ලොකුම ගේමක් වියහැකිය. නැත්නම් ජනතාව මුලාකර රටම විකුණන්න සැලසුමක්ද කියා අවදානයෙන් සිටිමු

: 2 22

සිල්වා Thursday, 07 October 2021 06:01 PM

යුගදනව් බලාගාර ප්‍රශ්නය දැන් ඉවරයි ද?

: 0 25

SUNIL MILANO Thursday, 07 October 2021 08:02 PM

මොකද වුනේ

: 1 2

L.G.P.Jathunarachchi. Thursday, 07 October 2021 09:29 PM

හැමෝම අත වනන්නේ වැඩවර්ජන වලට තමයි

: 0 7

WCA Thursday, 07 October 2021 11:37 PM

බලාගෙන ඉන්න අනෙක් පැත්තෙන් මොනවා විකුනයිද දන්නේ නෑ

: 1 7

Royfedricks Friday, 08 October 2021 02:40 AM

මේ ඒක නෙවෙයි, සහෝදරයා... දැන් අර නිර්ධන පන්ති විමුක්තිය උදාවෙලාද...?

: 0 0

Perera Friday, 08 October 2021 04:28 AM

ඔන්න පැන්ඩෝරාව වහන්න ආණ්ඩුව සැලසුම් කරන අලුත්ම ජවනිකාව..

: 0 0

Lelwala Friday, 08 October 2021 06:23 AM

වතුකම්කරැවන් දවසට තේ කිලෝ කොපමන කඩනවද? තේ කිලො එකක් කඩන කම්කරුවෙකුට දවසට රුපි 1000 ගෙවන්න පුලුවන්ද? සාදාරණද? කම්කරුවො ආරක්ෂා කරනව වගේම වතුහිමියත් ආරක්ෂා කර යුතුයි.

: 0 0

L.G.P.Jathunarachchi. Friday, 08 October 2021 08:58 AM

1980 වර්ජනය ද ඔබට මතක ඇති.

: 0 0

ඔබේ අදහස් එවන්න

එසැණ පුවත්

බෙල් 212 අනතුරින් 6 දෙනකුගේ දිවි අහිමි වෙයි

2025 මැයි මස 09 409 0

මාදුරුඔය ජලාශයට අද (09) උදෑසන කඩාවැටුණු ගුවන් හමුදාවට අයත් බෙල් 212 හෙලිකොප්ටර් යානයේ සිටි හමුදා සෙබළුන් 6 දෙනෙකු මියගොස් ඇතැයි පොලීසිය කියයි.

රට බැංකු දෙකක හොඳ හිත ගන්න වැඩ සටහනක්

2025 මැයි මස 09 69 0

ලෝක බැංකුවේ සහ ආසියා සංවර්ධන බැංකුවේ පූර්ණ අන්‍යෝන්‍ය විශ්වාසය පිළිබඳ කාර්ය රාමුව යටතේ ඉහළ ප්‍රමුඛතා සම්ප්‍රේෂණ සංවර්ධන ව්‍යාපෘති ක්‍රියාවට නැංවීම

ජනපති පාප්තුමන්ට සුබ පතයි

2025 මැයි මස 09 84 0

14 වැනි ලියෝ පාප් තුමන්ට ජනාධිපති අනුර කුමාර දිසානායක මහතා සුබ පැතුම් පළ කර තිබේ.

දණිස් අමාරුකාරයන්ට සුබ ආරංචියක්

2025 මැයි මස 09 828 0

සම්පූර්ණ දණහිස් ප්‍රතිස්ථාපන (TKR) පද්ධතිය සඳහා ශරීරයට බද්ධ කරන TKR සංරචක කට්ටල 3,000 ක් සැපයීම සඳහා වූ ප්‍රසම්පාදනය පිරිනැමීමට කැබිනට් අනුමැතිය ලැබී ඇත

සිතුල්පව්ව-තිස්සමහාරාම පොසොන් පින්කමට රජයෙන් අත

2025 මැයි මස 09 236 0

සිතුල්පව්ව හා තිස්සමහාරාම විහාරස්ථාන මූලික කර ගත් පොසොන් උත්සව මාලාව සම්බන්ධයෙන් සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතාගේ ප්‍

වෙසක් උත්සවයට අද සිට විශේෂ දුම්රිය සේවා

2025 මැයි මස 09 192 0

වෙසක් උත්සවය හා රාජ්‍ය වෙසක් උත්සවය නිමිත්තෙන් විශේෂ දුම්රිය සේවා අද (09) සිට ක්‍රියාත්මක කිරීමට දුම්රිය දෙපාර්තමේන්තුව පියවර ගෙන තිබේ.