(මනෝප්‍රිය ගුණසේකර)

කොරෝනා වසංගතය පැතිරයෑම වැළැක්වීම සඳහා පසුගිය 20 වැනිදා සිට කොළඹ, ගම්පහ, පුත්තලම හා උතුරේ දිස්ත්‍රික්ක 5කට බලපැවැත්වෙන අන්දමට පනවා තිබු ඇඳිරිනීතීය තාවකාලිකව ඉවත් කිරීමත් සමඟ මහජනතාව වෙළඳ සැල්, බැංකු සහ ඉන්ධන පිරවුම්හල් අසළ රැස්වී සිටින ආකාරය දක්නට ලැබිණි.

තම අත්‍යවශ්‍ය කටයුතු කරගැනීමේදී සෞඛ්‍ය ආරක්‍ෂාව පිළිබඳව වඩාත් සැළකිලිමත් වන්නැයි රජය මහජනතාවගෙන් කළ ඉල්ලීමට අනුව මීටරයක දුරක් තබාගෙන ඔවුන් පෝලිම්වල සිටින අයුරැ දැක්නට ලැබිණි.

කොරෝනා වසංගතය පැතිරයෑම වැළැක්වීම සඳහා මහජනතාවගේ සෞඛ්‍ය ආරක්‍ෂාව සඳහා රජයෙන් නිකුත් කර ඇති පියවරයන් නිසි පරිදි අනුගමනය කරන්නේද යන්න පිළිබඳ සෙවීමට හා මහජනතාව හැසිරවීමට පොලිස් නිලධාරීන් ඇතුළු ආරක්‍ෂක අංශ නිලධාරීන් නිරතුරුව කටයුතු කරති.

තාවකාලිකව ඉවත් කරන ලද කොළඹ, ගම්පහ, පුත්තලම හා උතුරේ දිස්ත්‍රික්ක 5ක ඇඳිරිනීතීය අද (24) සවස 2.00 ට යළි පනවන ලද අතර එම ප්‍රදේශ සඳහා යළි ඇඳිරිනීතීය තාවකාලිකව ඉවත් කරනු ලබන්නේ ලබන 27 වැනිදා උදෑසන 6.00 ට බව රජය නිවේදනය කර ඇත.

දිවයිනේ සෙසු ප්‍රදේශ වලට පනවා ඇති ඇඳිරිනීතීය ලබන 26 වැනිදා උදෑසන 6.00 ට ඉවත් කර දහවල් 12.00 ට යළි පනවන බව රජය දැනුම් දී ඇත.

(ඡායාරූප - ලහිරු හර්ෂණ)

රාජගිරිය / බත්තරමුල්ල / කොලොන්නාව 

(ඡායාරූප - ඉෂාන් සංජීව)