(සුමතිපාල දියගහගේ)

 
කොරෝනා වයිරසය ආසාදනයවීම නිසා ප්‍රතිකාර සදහා රෝහල්ගතව සිටින දකුණු පළාතේ සාමාන්‍ය පෙළ විභාග අපේක්ෂකයින් දෙදෙනෙකුට  හෙට (1)    ආරම්භවන අපොස සාමාන්‍ය පෙල විභාගයට පෙනී සිටිම සදහා ඔවුන් ප්‍රතිකාර ලබන රෝහල්වලම සියලු පහසුකම් සලසා ඇතැයි දකුණු පළාත් අතිරේක අධ්‍යාපන අධ්‍යක්ෂ (සංවර්ධන) ශාන්ති සෙනෙවිරත්න මහත්මිය පැවසුවාය.
 
කරන්දෙනිය  සහ හික්කඩුව ආරච්චිකන්ද යන රෝහලේවල ප්‍රතිකාර ලබමින් සිටින සිසුවියන් දෙදෙනෙකුට එම රෝහල් තුලදිම අපොස සාමාන්‍ය පෙළ විභාගයට ඉදිරිපත්වීමට දකුණු පළාත් අධ්‍යාපන දෙපාර්තමේන්තුව පහසුකම් සලසා ඇත. මෙහිදි එම රෝහල්වල විභාග මධ්‍යස්ථාන දෙකක් ක්‍රියාත්මකවන අතර ඒ සදහා විභාග මධ්‍යස්ථානාධිපතිවරුන් දෙදෙනෙක් ඇතුලු නිරීක්ෂණ නිලධාරින් දෙදෙනක්ද පළාත් අධ්‍යාපන දෙපාර්තමේන්තුව විසින් යොදවා ඇත.
 
කොරෝනා වෛරසය ආසාදනයවීම නිසා ගාල්ල නගරයේ ජනප්‍රිය බාලිකා විදුහලක සහ අහංගම ප්‍රදේශයේ මහ විදුහලක සිසුවියෝ දෙදෙනෙක්  රෝහල්වල සිට මෙසේ අපොස සාමාන්‍ය පෙල විභාගයට ඉදිරිපත් වෙති.