IMG-LOGO

ආරුගම්බේ සංචාරක කලාපයට සංචාරකයින්ගෙ වැඩි ආකර්ෂණයක්

(තිළිණි ද සිල්වා)

දිය මත ලිස්සා යාමේ වැඩසටහන (surfing) ජාත්‍යන්තර වශයෙන් ප්‍රවර්ධනය කිරීම තුළින් අරුගම්බේ නව සංචාරක කලාපය කෙරෙහි ලොව පුරා සංචාරකයින්ගේ ආකර්ශණය සහ අවධානය දිනාගැනීමේ වැඩසටහනක් ආරම්භ කළ බව සංචාරක අමාත්‍ය ප්‍රසන්න රණතුංග මහතා අද (21) පැවසීය.

කොවිඩ් වසංගතයෙන් ආරක්ෂිත කළාපයක් ලෙස ආරම්භ කෙරෙන ඉදිරි සංචාරක ප්‍රවර්ධන ක්‍රියාදාමය යටතේ අරුගම්බේ ප්‍රදේශය ලොව පුරා සංචාරකයින්ගේ ආකර්ශනය දිනාගත් ප්‍රමුඛතම ස්ථානයක් ලෙස සංවර්ධනය කෙරෙන බවද අමාත්‍යවරයා වැඩිදුරටත් කීය.

ඒ අනුව දිය මත ලිස්සා යාමේ පුහුණු සැසි පැවැත්වීම, දියමත ලිස්සා යාමේ තරඟ පැවැත්වීම සහ ඒ පිළිබඳව ලෝකය පුරා ප්‍රචාරණය කිරීම වැනි ප්‍රවර්ධන වැඩසටහන් ක්‍රියාත්මක කිරීම තුළින් අරුගම්බේ සංචාරක කලාපය පිළිබඳව දෙස් විදෙස් සංචාරකයින්ගේ අවධානය යොමු කර ගැනීමට අපේක්ෂා කෙරෙන බව සංචාරක අමාත්‍යවරයා සඳහන් කළේය.

නව සංචාරක ප්‍රවර්ධන වැඩසටහන තුළින් එම ක්ෂේත්‍රයේ නියැලී සිටින පුද්ගලයින්ගේ ජීවන මට්ටම ඉහල නැංවීම මෙන්ම සමස්ථයක් ලෙස ආරුගම්බේ සංචාරක කළාපය සංචාරකයින්ගෙන් බහුල කළාපයක් බවට පත්කිරීමට අපේක්ෂා කෙරෙන බවද හෙතෙම වැඩිදුරටත් කීය.

නැගෙනහිර පළාතේ සංචාරක කර්මාන්තය සංවර්ධනය කිරීම උදෙසා රජය රුපියල් මිලියන 300ක මුදලක් වෙන් කොට ඇති අතර නව සංචාරක කලාපයක් ලෙස ගැසට් කිරීමත් සමගම එම ප්‍රදේශයේ යටිතල පහසුකම් සංවර්ධනය කිරීම සඳහා ආයතන ගනනාවක නියෝජිතයින්ගෙන් සමන්විත ඒකාබද්ධ කමිටුවක් පත් කල බව සංචාරක අමාත්‍යාංශය කියා සිටී.

ප්‍රවාහන අමාත්‍යංශය, සංචාරක අධිකාරිය, වනජීවී හා වන සම්පත් දෙපාර්තමේන්තුව, මාර්ග සංවර්ධන අධිකාරිය, නාගරික සංවර්ධන අධිකාරිය, පළාත් මාර්ග සංවර්ධන අධිකාරිය, වෙරළ සංරක්ෂණ දෙපාර්තමේන්තුව, ජාතික ජලසම්පාදන හා ජලාපවාහන මණ්ඩලය,විදුලි බල මණ්ඩලය වැනි ආයතන වල නියෝජිතයන්ගෙන් මෙම කමිටුව සමන්විත වේ.

ඒ යටතේ යටිතල පහසුකම් සංවර්ධන වැඩසටහන ආරම්භ කර ඇති අතර මීට අමතරව ආරුගම්බේ සිට ප්‍රාදේශීය සංචාරක ගමනාන්ත දක්වා විශේෂ ප්‍රවාහන සේවයක් ආරම්භ කිරීමට ද පියවර ගෙන ඇත.

අරුගම්බේ සංචාරක කලාපයට ආසන්න මුහුදු මහා විහාරය ,පොතුවිල් ,පානම, කුමන කුරුළු අභය භූමිය වැනි සංචාරක ස්ථාන සහිත ප්‍රදේශ සංවර්ධනය කිරීම සඳහා හඳුනාගෙන ඇතැයිද සංචාරක අමාත්‍යාංශය කියා සීටී.

 



අදහස් (1)

ආරුගම්බේ සංචාරක කලාපයට සංචාරකයින්ගෙ වැඩි ආකර්ෂණයක්

පප්ප Thursday, 22 July 2021 05:56 AM

කොල්ලො අර ගනුදෙනුව ඉවර කර ගත්තැයි.අර රටටම ඇහෙන්න බොහොම ශාන්ත විදියට ඉල්ලුව.

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි. 2025 අගෝස්තු මස 30 32 0
ක්ලීන්ටෙක් ආයතනය, DEI Championship සම්මාන උළෙලේ දී තම විශිෂ්ටත්වය තහවුරු කරයි.

ශ්‍රී ලංකාවේ ප්‍රමුඛතම නාගරික අපද්‍රව්‍ය කළමනාකරණ සේවා සපයන්නා වන Abans සමූහයේ තිරසාර අංශය ද වන ක්ලීන්ටෙක් පුද්ගලික සමාගම, SCOPE වැඩසටහන යටතේ, ශ්‍රී ලංකා වා

බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී. 2025 අගෝස්තු මස 22 15493 5
බ්‍රවුන්ස් EV දැරිය හැකි මිලකට සුවපහසු විද්‍යුත් මෝටර් රථයක හිමිකාරිත්වයෙන් ඔබේ වාහන සිහිනය සැබෑකරදීමට පෙරමුණ ගනී.

සියවස් එකහමාරක් පුරා විහිදුනු ‘විශ්වාසයේ උරුමය’ තුළින් බ්‍රවුන් සහ සමාගම දශක ගණනාවක් තිස්සේ දේශීය මෝටර් රථ ක්ෂේත්‍රය හැඩගැස්සවූ බව ඔබ දන්නා සත්‍යයක

සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට 2025 අගෝස්තු මස 21 526 0
සියපත ෆිනෑන්ස් නවතම ශාඛාව ඵෙතිහාසික මහියංගනය නගරයට

ශ්‍රී ලංකාවේ ප‍්‍රමුඛතම මූල්‍ය සමාගමක් වන සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 56 වැනි ශාඛාව පසුගියදා මහියංගනය නගරයේදී විවෘත කෙරිණ. පුරාණ ශ්

Our Group Site