( තිළිණි ද සිල්වා )

ආනයන හා අපනයන පාලන දෙපාර්තමේන්තුවෙන් බලපත්‍ර අයදුම් කිරීමේදී මාර්ගගත ක්‍රමය හරහා ගෙවීම් කිරීමට පහසුකම් සලසා ඇති බව එම දෙපාර්තමේන්තුව පවසයි.

ඒ අනුව මාර්ගගත ක්‍රමයට ලියාපදිංචි වූ සේවාදායකයින්ට ඉකුත් 01 වැනිදා සිට බලපැවැත්වෙන පරිදි මෙම පහසුකම් සලසා ඇතැයි ද ආනයන හා අපනයන පාලන දෙපාර්තමේන්තුව කියා සිටී.

පසුගිය අගෝස්තු 15 වනදා සිට බලපත්‍ර අයදුම් කිරීම මාර්ගගත ක්‍රමයට සිදු කිරීමට ආනයන හා අපනයන පාලන දෙපාර්තමේන්තුව පියවර ගෙන තිබුණි.

මාර්ගගත ක්‍රමය හරහා ගෙවීම් කිරීම සඳහා ආනයන හා අපනයන පාලන දෙපාර්තමේන්තුවේ ලියාපදිංචි වියයුතු අතර ඒ සඳහා  www.imexport.gov.lk වෙබ් අඩවියට හෝ https://eservices.imexport.gov.lk/login පිවිස මාර්ගගත ලියාපදිංචිය සිදුකළ හැකි බවද එම දෙපාර්තමේන්තුව කියා සිටී.