(දයාරත්න ඇඹෝගම)

වෙහෙරගල,ගම්මාන හත ප්‍රදේශයේ නිවසක් තුල අද  (09) ඇතිවු ආරාවුලක් දිගදුර ගොස් සිය බාල සොයුරාගේ හිසට පොල්ලකින් පහරදි ඝාතනය කිරිමෙන් පසුව සැකකාර වැඩිමහල් සොයුරා පැමිණ භාරවු බව තඹුත්තේගම පොලිසිය කියයි.

මෙම ආරවුලින් මිය ගොස් ඇත්තේ අංක 130,ගම්මාන 07,වෙහෙරගල යන ලිපිනයේ පදිංචිව සිටි අධිකාරි මුදියන්සේලාගේ ප්‍රියන්ත කුමාර(34)නැමති පුද්ගලයෙකි.

මියගිය මෙම පුද්ගලයාත් ඔහුගේ 53 හැවිරිදි සැකකාර සොයුරාත් එකම නිවසේ පදිංචිකරැවන් බව පොලිසිය කියයි.

සැකකරැ මිට පෙර සිදුකරන ලද මිනිස් ඝාතනයක් සම්බන්ධයෙන් චෝදනා ලබා වසර 12 ක් බෝගම්මබර බන්ධනාගාර ගතව පසගිය නොවැම්බර් මස 30 වැනිදා නිවසට පැමිණ පුද්ගලයෙකි.

බෝගම්බර බන්ධනාගාරයේ කොරෝනා වයිරසය වැළදුණ රෝගින් ඇසුර කර තිබු නිසා මෙම සැකකාර සොයුරාත් ඔහුගේ මියගිය සොයාරාත් නිවස තුලම ස්වයං නිරෝධනයට ලක්ව සිටි පුද්ගලයන් දෙදෙනෙකු බවද පොලිසිය සදහන් කළේය.

මොවුන් දෙදෙනා අතර අද(09)දින අලුයම එකට පමණ සිදුවු ආරාවුලක් නිසා සැකකාර වැඩිමහල් සොයුරා විසින් බාල සොයුරාගේ හිසට පහරදි තිබේ.එම පහර දිමෙන් පසුව බාල සොයුරා එම ස්ථානයේම මිය ගොස් තිබුණි.

සිද්ධිය වන අවස්ථාවේදි මොවුන් දෙදෙනාම බිමත්ව සිටි බවත් ඔවුන් දෙදෙනාටම මත් ද්‍රව්‍ය සම්බන්ධයෙන් චෝදනා ලැබුවන් බවද පොලිසිය පවසයි.=තඹුත්තේගම පොලිසියට පැමිණ භාරවි තිබේ.

ඔහු  අද(09)දින අධිකරණයට ඉදිරිපත් කිරිමට නියමිතව තිබුණි.