අන්තරාදායක පැදවීමට යතුරුපැදිකරුවන් දෙදෙනෙකු අත්අඩංගුවට

(සම්පත් ප්‍රියනන්දන සහ නාලක ජේ. හෙටිටිආරචිචි)

මහ ජනතාවට පීඩා වන අයුරින් අධික ශබ්දයක් පිට කරමින් අන්තරාදායක ලෙසත් මාර්ගයේ ධාවනය කරන අනිකුත් වාහනවලට බාධා වන ලෙසත් යතුරු පැදි ධාවනය කළ දෙදෙනෙකු අද (07) අත්අඩංගුවට ගත් බව පොලිසිය පවසයි.

මෙලෙස අත්අඩංගුවට ගෙන ඇත්තේ, බලන්ගොඩ පොලිස් බල ප්‍රදේශයට අයත් හපුගහකුඹුර ප්‍රදේශයේ පදිංචි පුද්ගලයන් දෙදෙනෙකි.

කොළඹ බදුල්ල ප්‍රධාන මාර්ගයේ මොවුන් දෙදෙනා මෙලෙස යතුරු පැදි ධාවනය කර ඇති අතර ඕළුගන්තොට ප්‍රදේශයේ දි බලන්ගොඩ පොලිසියේ රථවාහන අංශයේ නිලධාරින් විසින් මොවුන් අත්අඩංගුවට ගන්නා ලදී. මහ ජනතාවගෙන් ලැබුණු පැමිණිලි මත මොවුන් අත්අඩංගුවට ⁣ගත් බව පොලිසිය පවසයි.

ඇතැම් අවස්ථාවලදී මොවුන් පිටුපස රෝදයෙන් පමණක් යතුරු පැදි අපරීක්ෂාරී ලෙස ධාවන කර ඇතැයි පොලිසිය කළ පරීක්ෂණවලදී අනාවරණය වී ඇත. මොවුන්ට එරෙහිව ඉදිරියේදී නීතිමය කටයුතු කෙරෙන බවද පොලිසිය කියයි.

බලන්ගොඩ පොලිසිය සිද්ධිය සම්බන්ධයෙන් පරීක්ෂණ පවත්වයි.

අදහස් (2)

අන්තරාදායක පැදවීමට යතුරුපැදිකරුවන් දෙදෙනෙකු අත්අඩංගුවට

Dhammika Tuesday, 07 July 2020 09:03 AM

මේ දේ බොහෝ නගරවල දැන් සිදුකරනවා. කිරිකජු කොලු පැටව් අධිබල යතුරුපැදි අරගෙන සෙල්ලම් පෙන්නනවා. තමනුත් මැරිලා අනික අහිංසකයින්වත් මරාගන්න හදන්නේ. මේ අයව වහාම පුනරුත්ථාපනය කළ යුතුයි. නැතිනම් සාමාන්‍ය ජනතාවට පාරේ යන්න බැහැ.

: 0 0

Bamunuarachchi Wednesday, 08 July 2020 06:41 AM

පිස්සු කරලා අපේ වාහනයක හපුණා නම් අපි පොලිසි ගානේ, ඉන්ෂුවරන්ස් ගානේ..., රස්තියාදු වෙන්න ඕනේ.. අපේ වාහන හදා ගන්න. නැතුව ඒ අයට මොකක් වුනත් අපිට කමක් නැත. අනික මොවුන් එකෙක් හැප්පිලා මොකක් හරි වුණොත් අපි උත්තර දෙන්න ඕනේ අනතුරක් වළක්වා නොගත්තාට.. මේ අයගේ විසේට අපි උත්තර බැඳපල්ලකෝ.

: 0 0