(ආනන්ද ඉ ජයකොඩි)

ඉදි කරමින් පවතින මධ්‍යම අධිවේගී මාර්ගයේ වේයන්ගොඩ වදුරව වැඩ බිමක නවතා ඇති පස් කපන යන්ත්‍රයකින් ඩීසල් සොරා ගනිමින් සිටි පුද්ගලයින් දෙදෙනෙකු අද  (21) උදෑසන අත් අඩංගුවට ගැනීමට හැකි වූ බව වේයන්ගොඩ පොලීසිය පවසයි.

පස් කපන යන්ත්‍රයකින් බටයක් යොදාගෙන ඩීසල් සොරා ගනිමින් සිටින බවට අද  (21) උදෑසන 09 ට පමණ ලද තොරතුරකට අනුව  එම ප්‍රදේශයේ ආරක්ෂක රාජකාරියේ යෙදී සිටි පොලිස් නිලධාරීන් දෙදෙනෙකුට දැනුම් දීමෙන් අනතුරුව එම පොලිස් නිලධාරීන් දෙදෙනා වහා ක්‍රියාත්මක වී එම ස්ථානයට ගොස් පස් කපන යන්ත්‍රයකින් ඩීසල් සොරා ගනිමින් සිටි පුද්ගලයින් දෙදෙනා සමග එළියට ඇද සොරා ගෙන තිබූ ඩීසල් ලීටර් විස්ස බැගින් වූ කෑන් දහසයක් අත් අඩංගුවට ගත් බවද පොලීසිය කීය.

අත් අඩංගුවට ගත් එක් පුද්ගලයෙක් වැල්ලවාය ප්‍රදේශයේ පදිංචි එම යන්ත්‍රයේ රියදුරා බවත් අනෙක් පුද්ගලයා රියදුරා ගෙන් අඩු මුදලකට  ඩීසල් මිලදී ගෙන ඇති වදුරව ප්‍රදේශයේම අයෙකු බවත් මූලික පොලිස් පරීක්ෂණවලදී හෙළි වී ඇත.