(ඩයනා උදයංගනී)

ශ්‍රී ලංකා නිදහස් පක්ෂය හා ශ්‍රී ලංකා පොදුජන පෙරමුණ අතර  අවබෝධතා ගිවිසුමට අත්සන් තැබීම කොළඹ නිදහස් මාවතේ පිහිටි ශ්‍රී ලංකා පදනම් ආයතනයේ දී මීට සුළු මොහොතකට පෙර සිදු කෙරිණි.

ශ්‍රී ලංකා නිදහස් පක්ෂය වෙනුවෙන් එහි  මහලේකම් දයාසිරි ජයසේකර සහ  ශ්‍රී ලංකා පොදුජන පෙරමුණ වෙනුවෙන් එහි ප්‍රධාන ලේකම් සාගර කාරියවසම් සහ යන මහත්වරු මෙම ගිවිසුමට අත්සන් තැබූහ.  

මෙම ගිවිසුම් අත්සන් තැබීම කොළඹ පිහිටි ශ්‍රී ලංකා පදනම් ආයතනයේ දී අද පෙරවරු 10.42ට පමණ යෙදුණු සුබ මොහොතින් සිදුකෙරිණි.

ශ්‍රී ලංකා නිදහස් පක්ෂ වැඩ බලන සභාපති මහාචාර්ය රෝහණ ලක්ෂ්මන් පියදාස, ශ්‍රී ලංකා පොදුජන පෙරමුණේ ජාතික සංවිධායක බැසිල් රාජපක්ෂ, නිදහස් පක්ෂ   ජ්‍යෙෂ්ඨ උප සභාපති නිමල් සිරිපාල ද සිල්වා, එක්සත් ජනතා නිදහස් සන්ධාන පාර්ලිමේන්තු පාර්ලිමේන්තු මන්ත්‍රීවරුන් ඇතළු පිරිසක් මෙම අවස්ථාවට එක්ව සිටියහ. 

(ඡායාරූපය-ඩයනා උදයංගනී ) 

(ඡායාරූප රොමේෂ් ධනුෂ්ක සිල්වා)