(විනීතා එම් ගමගේ)
          
රට ස්ථාවර නම් හා ජන ජීවිතය සාමන්‍ය තත්ත්වයෙන් පවත්වාගෙන යා හැකි නම් ජනපති අගමැති හා විපක්ෂනායක තිදෙනා එක මේසයකට පැමිණ ඒ බව ජනතාවට ප‍්‍රකාශයක් කළ යුතු යැයි මාර්තු 12 ව්‍යාපාරය කියයි. 

එමෙන්ම දේශපාලන භේදයකින් තොරව ඒකාබද්ධව පවතින තත්ත්වයට මුහුණ දෙමින් රටේ ආරක්ෂාව හා අනාගතය වෙනුවෙන් පියවර ගන්නා බවට ද ඔවුන් තිදෙනා වහා ප‍්‍රකාශයක් කළ යුතු යැයි මාර්තු 12 ව්‍යාපාරයේ සම කැඳවුම්කරු රෝහණ හෙට්ටිආරච්චි මහතා ලංකාදීපයට ප‍්‍රකාශයක් කරමින් පැවැසීය. 

ජාතික ව්‍යසනයක් බැවින් සියලූ දෙනා එක හඬක් නංවමින් රට වෙනුවෙන් තම කැපවීම පෙන්වනු ඇතැයි  ජනතාව අපේක්ෂා කරන බව කී හෙට්ටිආරච්චි මහතා එහෙත් තවමත් දේශපාලන වාසි තත්ත්වයන් දෙස බලමින් දේශපාලඥයින් කටයුතු කරන බවක් පෙනී යන්නේ යැයි ද හෙතෙම සඳහන් කළේය.