(ඩයනා උදයංගනී)

මේ දිනවල පවතින වැසි සහිත කාලගුණ තත්ත්වය සමඟ ප්‍රබල අකුණු ද ඇතිවිය හැකි බව කාලගුණ විද්‍යා දෙපාර්තමේන්තුව පවසයි.

එබැවින් ගිගුරුම් සහ අකුණු පවතින අවස්ථාවලදී ආරක්‍ෂිත පියවර අනුගමනය කරන්නැයි ජනතාවට දැනුම්දීමක් කරන බව එම දෙපාර්තමේන්තුවේ ප්‍රකාශකයෙක් සඳහන් කළේය.

මේ අතර බස්නාහිර සහ දකුණ පළත්වල වැසි හෝ ගිගුරුම් සහිත වැසි ඇතිවිය හැකි බව එම ප්‍රකාශකයා පැවසීය.

එමෙන්ම අද (17) සවස් කාලයේදී හෝ රාත්‍රී කාලයේදී මධ්‍යම, සබරගමුව, ඌව, නැගෙනහිර, වයඹ සහ උතුරුමැද පළාත්වල වැසි හෝ ගිගුරුම් සහිත වැසි ඇතිවන අතර බස්නාහිර, මධ්‍යම, සබරගමුව, දකුණ පළාත්වල ඇතැම් ස්ථානයන්හි මිලිමීටර 75 ට වැඩි තරමක තද වැසි ඇතිවිය හැකි බව ද එම ප්‍රකාශකයා පැවසීය.